今日朝早,去咗學琴,

學完琴,就返屋企等林佩儀電話,

等佢同d小學老師食完飯,

我地就一齊去溫夷鏘屋企做功課...

話就話做功課,溫夷鏘個死仔包就喺度睇女排嘅比賽= =""

我呀媽要我帶埋皆皆去...

唉!我唔係唔想佢去,只係我怕佢悶...

因為個個喺度做功課,

佢又冇野做....

做做下,幾經辛苦,做完英文&數學,

咁更係抖陣先啦~~

所以我又坐埋sofa同鏘一齊睇比賽...

睇咗一陣,佢入房拎咗一份,用個好細嘅袋裝住嘅禮物比我...

我問:咩黎架?

佢話:上次去泰國嘅手信呀~~

佢唔講,我都唔記得咗,喺佢返到香港果日,

就sd 咗sms比我,話:
我返咗黎香港啦~~我好掛住你呀~我有好多野想同你講...

之後我打咗比佢,佢就話買咗野比我,

我問佢,係咩黎,佢又唔講....

問咗幾次,佢就話係一條海豚嘅頸鏈...

佢知我鍾意海豚....由佢送果條中華白海豚嘅鎖匙扣比我,

我就鍾意咗海豚....

到而家,我仍然好愛呢隻海豚,好愛惜呢隻海豚,

但係我唔知點解我會咁...不過我清楚自己唔係因為愛佢而鍾意海豚,

我明白我自己,一路都冇愛過佢,

就算愛,都只係一瞬間佢嘅甜言蜜語同安慰....

我打開咗個袋,見到個盒都咁令,相信呢份禮物係佢為我精挑細選...

打開埋個盒...原來係一對耳環同一條頸鏈....

我即刻就話:嘩~好令呀~~^^~~

佢冇出聲....我再話:不過我冇釘耳洞架波....

佢話:所以之前咪叫你去釘囉~~

我再望多一陣,就合埋咗個盒,然後放番入果個又細又令嘅袋度...

我用手緊緊握實份禮物,我心痛...

我心痛一直以黎,佢都咁愛我,然而我就從來都冇將佢停留喺我個心一秒;

我心痛一直以黎只有佢牢牢咁記住我嘅生日,

然而我卻永遠都唔會在意佢嘅生日,佢嘅特別日子....

佢好快拎咗我個手袋比我,叫我放落去,廢事唔記得拎...

睇咗陣比賽,我地就走啦~~~

上到輕鐵,我諗起佢好多嘅野,

雖然佢大部分嘅安慰,都係潑我冷水,

但係,邊個喺我辛苦,難過嘅時候咁在意我?

邊個喺我整親嘅時候噓寒問暖?

又邊個喺我喊嘅時候出現,關心我,知我喊?

除咗林佩儀同佢,真係冇架啦.....

返到屋企,我再一次打開個袋同個盒,

用手摸清楚佢每一個部分...

好令...真係好令.....

兩年佢對我點對我,我知道,睇到,但係我就偏偏冇鍾意佢,

就算愛上一個廷,愛上一個相識不久嘅駱駱,

我都冇愛上佢.....

唔知點解....我有試,但係我清楚我唔會愛上佢...

雖然我比任個一個男仔又好,女仔又好都清楚佢,

但係我就係鍾意唔到佢...

冇愛情嘅日記,似乎難以維持以前嘅收視率波...

咁我得閒就講dd啦~~^^~~

今日講住咁多先~~BIBI