哈哈~~好內冇打日記添~~

我諗我嘅網友都等到好辛苦啦~~係咪??

尋晚訓得好好,

今朝10:00先起身..^^

起身之後,食完早餐,就開始做功課啦~

自從尋日我知道原來英文好易做之後,

我就開始做呀做..做呀做............................

下就,終於到我玩電腦啦~~~

真係開心...

竟然有個男仔問我做唔做佢女朋友..

唉!我唔係好識佢架咋波...

so呃佢,話:下?我有男朋友架啦波~~~~

嘻嘻....絕呢....

講真,我鍾意邊個都唔會鍾意佢啦~~

粗口咁[[[[[[[[[少]]]]]]]]],

個樣又唔係好,又冇耐性,

就算要我鍾意果個有錢嘅男仔,

就算要我鍾意.........澄澄姐姐,

就算要我鍾意林佩儀(TB)都好,

我都絕對絕對唔會鍾意佢...

玩咗唔夠一個鐘,又要練琴啦~_~

又要學琴,真係唔想學.....

我都冇乜時間練,就算有都用咗黎玩啦~~

暑假喎~一年得一次架咋喎~點可以唔玩番個夠本呢??

但係冇辦法..我唔想比我呀媽睇死我三分鐘熱度,

所以繼續學.....

其實我本黎都唔係想學鋼琴嘅...

我本黎想學小提琴架...

係我呀媽話,要學就一齊學,SO就學咗鋼琴...

今次學琴,雖然只係練咗短短嘅一個鐘,

但係MISS都話我彈得唔錯,

姑且過得去啦~~~

因為我唔同我呀妹,我呀妹即時演奏嘅分係比我低(考試內容),

SO就算我練得果一個鐘,

到學嘅時候都可以彈到好好....

離開MISS屋企,就喺7-1買咗杯思樂冰飲....

睇睇錢包,岩岩好有散紙$4...

唉~_~最後的零用....

我為咗買我嘅梳,用咗$30,食午餐又用咗$20,

今個月嘅零用岩岩好用完....

我仲喺度諗緊我對皮鞋點算....

唉!!!

我聽住我嘅MP3,本黎諗住坐車返屋企,

但係我想自己一個行番屋企....

因為自從暑假,屋企永遠都有人,

好嘈....根本冇一刻係靜落黎,得我自己一個,

所以我決定行下,諗下野....

經過一間舞蹈學校,我諗起呀媽尋晚問我有咩長處...

一時之間又諗唔起,本黎佢仲話叫我去上d畫畫班,

佢話因為我d設計唔錯....

其實...一d都唔好.....我又點比得上布布同魏文輝吖?

但係講真,我真係冇乜長處.........

今日我突然諗起我係好鍾意跳舞架......

其實好細個我就好鍾意跳舞架啦...但係大個d之後,

上咗小學,好少接觸跳舞,所以一路都唔記得自己好鍾意跳舞...

如果呀媽要我上d興趣班,我諗我會同佢講:我想報跳舞...

經過元朗球場,諗起好多紅十字嘅野...諗住再行遠d,

但係廢事搞到屋企人擔心,唯有快d歸家啦~~~

好快返到屋企,我呀妹話有個呀sir打比我...

我回電話,原來係升旗隊嘅邱sir....

升旗隊下年唔夠人分兩班,so打比我,叫我入去幫手...

其實呀sir下年都唔喺度教啦~~但係仲幫升旗隊鋪後路,

我都冇理由唔幫番佢啦~~~只好應成佢啦...



而家傷心嘅,總算過去,愛情嘅野,我唔想再講...

等我再搵到一個我更愛嘅人先啦~~~

好啦~~好眼訓...訓lu~~^^