今日都唔知算唔算晴天呢?

一時落水,一時行雷,一時又有個大太陽喺度~_~

是但啦~我當佢晴天~

好悶呀...真係悶到呀乜咁~_~

仲有一科,就考晒啦~不過真係唔想再考試啦~_~

日日咁早返屋企~又冇野做喎~

真係就黎發霉啦~_~

前兩日...都冇咩打呀~

所以冇打野~~~

不過星期六就有野打啦~~~

果晚夜晚,我同蟑螂打交~_~

雖然我win咗~但係......佢搞到我唔敢訓覺><

話說喺夜晚,我2:00a.m幾醒咗~

見到牆上有隻黑色嘅野,

即時反應更係彈咗起身啦~~

去到床尾,望一望牆...夷~唔見咗嘅?

死囉~唔通喺我個頭上面?

我狂喺度抓我d頭髮(好白痴= =""),

抓咗一大堆夾出黎,但係都見唔到有小強...

我唔敢訓...驚佢會無啦啦喺我身上面~

咁我就坐咗喺度,望望個鐘...下!先2:45a.m?

唉~點到第二日朝早呀?

我諗住上我呀妹張床到訓住先啦~

但係都要開燈架~點算呢~我又唔想落床喎~

好驚一落床就見到...

但係唔通唔開咩?唔開我點等到朝早呀?

我坐咗喺我自己張床到半個鐘...

最後我攞住一個比較重嘅枕頭,咩都冇諗,

一直只係叫住黃溢廷個名,

自言自語咁講:死就死啦!1~~~2~~~3~~~衝呀!!!

就一步落咗床,原步上番床~見到有隻小強喺地下到行...

我用手上面果個枕頭,一野打落地下:
打死你呀~出黎嚇我??

之後我就上番床...真係好驚呀~_~

雖然我知佢已經冇走,喺我個枕頭下面,

但係我喺床上面,好似仲未驚完咁= =""

我終於知點解d人要飲"定驚茶"啦..= =""

我都係唔敢訓...我驚佢仲未死呀...

所以我諗住叫我工人~但係我又驚等陣落床又有喎~

咁我只好拍牆啦= =""

我工人以為係鬼=o=""所以冇應我...

我驚佢唔醒,咁我咪叫囉:
Ruli......

之後佢就過咗黎,最後我都係訓咗喺佢間房^^""

過咗去嘅野~唔好提啦= =""

講番今日......

下就林佩儀又黎咗我屋企啦~

我送咗佢走之後,我見到廷原來on咗...

真係好想@佢呀...但係唔知佢又會唔會好似上次咁呢?

瘀過一次,仲@佢咩?廢事無啦啦又比人一個壞印象啦...

林佩儀話,天枰座喺6月會有新歡,

而金牛座(我)就喺7月...

咁姐冇可能啦?唉........

我喺msn作咗句野,就係講呢件事:
上天要我去愛你,命運卻要帶走你,這算是甚麼意思?

突然覺得....佢唔係我架...或者上天一早就寫好咗三世姻緣,

講咗佢唔係我架...就算我再幾努力去爭取呢段感情,

畢竟都已經過咗半年有多,又點會挽留得番呢?

唉!黃溢廷...你對我,是朋友,還是根本一點感覺都沒有?

我再唔識估啦...太辛苦...