好開心呀~~考完一個week啦!

仲有三日(其實得兩日,因為有一日放假)就考完啦!

數學同通識...都係我最水皮架...~_~

不過訓咗先算啦!

成個星期日日都咁夜訓~

今晚我仲唔訓到聽日中午?(講笑)

唉!終於有覺好訓~~

下就返黎,我同林佩儀喺元朗廣場行咗街街好內~

雖然冇咩行~但係一行就行咗2個鐘...

我地又睇下倉鼠同白兔,時間就咁過去~

真係好啦!^^

今日考"冬瓜",科學同P.E...

但係好難呀...= =""

尤其係科學呀~真係題題都搵命駁= =""

可能今次最差都係科學架啦...~_~

我部電話又浸咗落水啦~_~(姐凍過水)

我呀媽話,如果我科科75,佢就買部電話比我...

我而家真係想同佢改條件~同佢講每科平均分75得唔得呀?

我知冇可能= =""

可能仲要比人鬧番轉頭= =""

是但啦~問下都好嘅= =""

考咁多科,就自然有咁多個小息...

今日有兩個小息考三科,

喺第一個小息,我坐咗喺度食野~

好近廷..我見到佢望住我...

可能太內冇試過,所以好開心咁呢幾秒嘅眼神,

就算幾秒我都好開心...

好掛住佢呀...佢今次個試好努力呀...

如果佢入咗A班,咁我點呀?

左住佢都唔係,唔左住佢又唔係...

我同林佩儀講:當初我溫書佢唔溫書,係為咗考好d成績,
而家佢溫書我唔溫書,係因為我想繼續留喺C班,同佢一齊..
咁佢而家咁努力溫書,又為咗咩呢?入A班?咁我點呀?
佢喺A班,我喺C班,咁咪好好笑?

唉!不過當然希望佢得啦~

因為我要支持佢...就算點都好,我都會支持佢,

因為我愛佢...

夜啦~訓啦~祝大家有個好夢發呀下^^

bibi...