今日...唉~_~真係個黑色星期五呀...

真係衰呀...竟然掛黑雨==""

唉~_~飯都未食,又返屋企啦...

難得星期六同星期日又唔洗返學,

冇得見黃溢吖嗎...

真係好鍾意佢嘅眼神...每日每夜都思念呀...

呀媽尋日睇到去清華大學果張表格,

話叫我參加...

我更係想啦~我真係發夢都估唔到佢會比我去...

只不過冇人同我去喔~_~

謝明呀媽唔比去...仲有邊個會去呢?

周清怡話:
我諗我地班都係冇人去架啦~
如果去,可能都只係得你lu~

唉~_~冇人同我去呀...

突然諗起,前日陳sir派完之後,

黃溢睇得好入神,

我覺得佢想去,但係佢又冇講,

我又唔敢問佢...

我諗住等佢online咗icq,我就問下佢,

相信佢唔會唔答我架可...^^""

不過都唔知佢會唔會on啦~

近黎佢d成績唔錯,好咗好多呀...

我諗應該係佢有溫嘅關係啦...

所以我覺得可能我等唔到佢online架啦~_~

今日好大水呀><

有帶傘等於冇帶...= =""

成身濕晒....

落咗輕鐵,再落埋天橋,嘩~~~大雨大到呀乜咁...

就黎到樓下...我行快d,諗住快d返到屋企啦~

點知....><好大風呀><又閃電@o@""

我話:
唉唷><唔好閃啦~

點知就行雷啦...呯~~~~~

><死啦~冇人唔知我怕雷架..(除非唔係我個fr)

嗚哇...救命呀><路又難行,又閃電,又行雷,

都唔知幾時先返到屋企呀...><"

我唔知點解冇啦啦叫:
黃溢廷呀><

叫完先知咩事...或者我真係太愛佢啦...

唔知我地幾時先會好番呢?

真係期待呢一日嘅來臨,

如果我可以同番佢一齊,我可以咩都犧牲,

甚至係性命...我講真架...

如果有一日,我同佢好番,佢話佢會愛我,直到永遠,

上天要我之後嘅一分鐘就死,我都情願...

或者只係分離一陣,佢好快會上黎,再同我一齊...

我唔知呀...我都唔知我喺度講緊咩,

我只係知,而家呢一刻,我愛佢,

我不能保證一生一世咁長遠,

但係我好肯定,我而家愛嘅,思念嘅,係佢,

再冇第二個...

我而家發覺,原來佢都鍾意飲支裝嘅蘋果綠架~

呢牌佢都有飲^^

好開心呀...我記得佢之前係鍾意飲檸檬茶架...

我仲記得好多好多...但係唔知佢又記唔記得我嘅野呢?

小息,我見到霍浩庭...

我又係攞手指,輕輕打喺佢背上..

佢見到我,話:
成日都咁夜返屋企架?

我話:
咩呀?而家唔係啦~

唔知佢係咪同佢女朋友分咗手呢?

好似近黎都唔見佢地一齊...

前兩日,我等我工人攞飯黎嘅時候,

佢(林浩文家姐)見到我,話:
嘩~你住元朗架喎~
你工人都送飯黎呀?

我話:
係呀^^

我諗比佢見到我,都會諗起好多霍浩庭嘅野,

因為始終霍浩庭都係住我上面...

佢講完,就同另一個女仔出咗門口食飯...

唉~_~真係可惜...

難度再冇機會再一齊?

難度嘈交之後,就再冇之後?

我都想佢地好...希望啦~