本黎我每一日返學,

都係期待每一個循環周嘅day6,

因為有體育堂...

點解?哈哈~唔洗著裙啦~可以跑啦~

有好多野玩啦,唔洗上堂啦~時間好快過...

今日女仔嘅活動......

唉~_~真係慘...竟然係跳繩!!

真係oh my god...~_~

本黎練奶諗住有得跑9分鐘,

點知又落起大水(大雨)...

但係練咗一陣繩,停水啦~^^~

練奶問我:
係咪停咗啦?佢地(1B男仔)考緊啦...

我話:
咦~係喎~咁你仲考唔考呀?

我講完,佢就同miss黃講要考...

miss黃比咗個秒錶,叫我幫練奶計...

出到操場,我地1c未考,只係見1B嘅人,

都已經跑到好攰咁...

我地唯有等1c跑果時,一齊跑啦~

咁都好嘅...一齊吖嗎^^

黃溢上次冇跑,so佢今日跑...

真係好...個天真係對我好好呀,

比我可以睇到佢跑9分鐘,可以陪佢跑...

哈哈~好開心呀~

考試開始啦~

見到練奶好快,好努力咁跑呀,跑...

黃溢都係...真係好想大聲咁叫佢加油呀><

但係我又點可以咁做呢?

我只好喺佢跑過我身邊嘅時候,

大聲咁叫一聲:加油呀!!

分明係比佢聽...

過咗一陣,大約跑咗3分幾鐘,

黃溢一路跑,一路按住個心口...

謝明同我開頭覺得好搞笑...

但係佢好似跑到腳浮浮咁,

周清怡都話佢好似怪怪地咁...

我睇咗佢跑完一圈又一圈,都係咁,

開始有d擔心...

9分鐘好快跑完,佢好快就去咗飲水,狂喺度飲,

我心諗:佢未暈,姐冇事啦~或者係我多心姐...

我等埋練奶飲完水,我睇睇黃溢,望住佢,佢都望咗我一眼,

好似話比我知:我冇事...

但係佢個樣真係唔似冇事...

我去番miss黃果邊,好快,又打鐘啦~

我,周清怡同黃靜儀放番d繩番去體育室...

咁岩見到男仔解散...

咦~黃溢呢?點解唔見嘅?

我開始又擔心起黎...

我望極都見唔到佢,愈黎愈覺得我唔係多心...

我地放完繩,就番咗更衣室換衫,

我同林佩儀講我嘅多心,

佢安慰我講:
冇事嘅~或者佢上去開門呢~
我而家上去架啦~順使睇下啦~冇事嘅...

我諗:開門?佢地要解散先有得上班房架喎~
又點會上咗班房呢?

我話:希望啦~唔該呀~

儀對我笑,就上咗去啦...

我比佢遲小小出更衣室,因為要等謝明...

但係就係因為我遲咗d出去,所以見到黃溢...

我一見到佢,佢好似好攰咁,

我停底腳步,但係好似唔係自願咁,

唔知點解,就係停咗...

我見到佢行,咁姐冇事啦~

我以為我又再一次多心,亂諗野...

上到班房,我見到班房嘅鑰匙,我諗:
唔係下化~

儀見到我,就叫停我:
佢真係有事呀!

我唔相信我嘅耳仔:
吓?

儀再話:佢真係有事呀!

呢個時候,我真係有d擔心啦,擔心佢會有事...

小息之後係數學堂,我一直心不在心"言"(唔記個字),

呀sir話計第3題,我就計咗第一題;

幹葉圖兩間公司嘅統計,又調轉咗...

唉~_~我只係掛住睇住個門口,都冇心機啦...

陳sir話黃溢好彩冇喺厠所暈低,如果唔係就冇人知啦~

到咗科學堂,佢返黎啦~

真係好似放底心頭大石咁...

知佢冇事,真係好呀~我唔識點去形容><

而家先覺得,原來我係咁緊張佢架><

中文堂,miss鄭要對卷,有一部分搞錯分,

要出黎調整...佢喺我前面再前面...

佢搞掂,一轉身,隻手一抽,成份卷插咗入我隻眼...

oh no><我打唔開眼:呀!

叫咗一聲,林佩儀話:
唉呀~有冇事呀?

黃溢好似知咩事:
下~做咩呀?我支筆呀?

我冇出聲,只係喺度抹眼淚...(唔係喊)

儀話:你整到人啦~~

佢即刻講:冇事呀下~sorry呀~~

我都係冇出聲...佢就走咗啦...

我唔敢正面望到佢,亦唔敢出聲,

因為我唔知我可以仲有咩反應=~=""

今日好開心呀~不過又好擔心呀...

擔心死我啦><