又一年嘅5月尾...

又睇住lkk嘅人,

要離開lkk...

見到一個個都長大,真係感到安慰..

有d仲係曾經一齊共度難關,

一齊抱頭痛哭過...

就算係師弟師妹,

我都好愛惜佢地...

但願今日佢地珍惜所有,

聽日快樂咁離開...唔再喊...

今日好悶呀...雖然係假期,

但係冇乜人喺屋企...

我諗謝苑明佢地都係去咗溫夷鏘屋企架啦~

好似係睇鬼片...

唔知佢地呀~又問我去唔去,

點知又冇叫我去...

一係就唔好比我知啦...

我愈黎愈唔知邊個人係講真話,

話就話係我好朋友,

但係有事,咪又係唔比我知?

我真係寧願喺返lkk,做我嘅小角色...

個個老師都識我,

個個學生都知我係邊個,

成日都有司儀嘅機會,

日日都有好多好多真心嘅朋友同我講心事,

完全唔需要懷疑佢地對我嘅好...

但係呢一切有可能嗎?

個個都變啦...

變到唔係我識嘅謝苑明,

唔係我識嘅周清怡,

唔係我識mandy...

個個都唔係啦...

冇變嘅,或者只係剩低林佩儀...