今日...「咩屎」派咗卷(核心測驗)...

好彩都合格~_~""

可能因為冇溫嘅關係啦...

不過考試就唔可以唔溫啦@o@

中文堂,黃溢好似好唔開心咁...

唔知做咩呢?我地喺度背書,

佢就訓喺枱到...好似心事重重咁...

有時我真係唔明佢諗緊咩...

一時時咁...好完一日,第二日果個佢,就好似唔係佢咁...

我日日都喺度估佢諗緊乜~

日日都要諒解佢對我做嘅野~

咁佢又有冇諒解我當初嘅錯呀?

我好想真正咁擁有到佢,

永遠都唔離開我...

但係...有可能嗎?

好似好煩呀可...成日都話後悔...後悔...

但係原來我做嘅野,都係微不足道...

今日,枱上心型嘅果樽星星,

唔知點解,會勾起咗好多野...

我記得同佢嘈完交之後果日,

係中史考試...再之後果日,

就係假期...

我果日假期同謝明喺千年史買咗星星紙,

買咗心型樽,

就係諗住送比黃溢...希望佢唔好嬲...

但係...我最後只係拿咗返學校,冇比到佢...

因為果時,佢連我嘅信都唔收,

我嘅星星佢又點會收?

究竟佢想點架呢?

其實佢仲係咪鍾意我架呢?

佢仲有冇嬲半年前,果個不可理喻嘅巫礎而呢?

我諗...佢都係唔想我鍾意佢...

有時,我真係懷疑我愛錯咗佢,

更加係,點解佢咁對我,

我都仍然不離不棄,仍然咁愛佢,放唔低佢?

我唔知...呢幾個問題,我都問咗我自己好多次...

但係次次都冇答案...

我每日都要坐巴士返學...

而家只有269D坐返學校...

所以每朝一定要好早坐巴士...

有個男仔,同我住埋同一個屋院,

每日朝早,佢都早我dd出門口,

我每次只係差佢一dd,

因為咁,每日我都係排喺佢後面...

今日都唔例外,

我都係遲佢dd,我都係排佢後面...

一黎到車站,佢開頭睇唔到我...

但係我嘅腳步聽,好易認,

因為我著木底鞋架嗎...

佢見到我,望咗我好內...(我更係扮唔知啦)

過咗一陣,我抬頭,佢見到,就望番前面...

唔知點解,今日嘅車,黎得特別遲,

我以為架車走咗...

但係我仍然等落去...

平時嘅佢,一見到城巴果架N43,

就會上車...可能怕會遲到掛...

上個星期,佢都係咁...太內冇269D,

佢就上咗N43...

上咗車之後,佢見到我冇上車,只係回望...

但係N43後面,就係269D,

咁我咪上車囉...

今日班車遲咗,有N43,佢都冇上,

又係望一望我,仍然企喺原位,冇上車嘅意欲...

今次都唔例外,269D又喺後面...

咁我地就上咗車啦...

佢多數都係坐上面,仲每次都坐右邊window,

唔知點解呢...

照理我係早過佢落車...

多數我都係等林佩儀...

喺樹下等緊嘅時候,坐上面嘅佢,總係會望落黎...

每日,我都希望返學前第一個見到佢...

難道一個我唔識嘅人,都會冇啦啦想望佢?

佢係一個乖乖仔,成日幫佢媽咪囉野,(行街後)

但係佢好似個混血兒咁...樣就唔算令架~

我冇野寫提下呢個人姐=_=""

點知一寫就寫咗咁多...

訓訓啦...