今日,都算係呢個星期嘅好日啦...

唉~終於天晴啦...

終於乜事都冇啦...

中文堂,miss鄭鬧緊杜杜,

我冇野做之下,就只好伏喺度,偷偷咁望下佢啦,

點知佢又同緊人傾計,

咁..我就合埋眼,訓咗一陣,

呢兩日都冇乜時間訓覺...

因為面係向住黃溢,

只要我醒,我就可以見到佢...

過咗一陣,我慢慢張開眼,

見到佢又伏咗喺度,望住我...

我見到,好開心啦更係...*^^*

我都望住佢,

不過佢知道我見到佢望住我,

佢就起咗身啦...

我真係好想以後張開眼,第一個就見到佢...

其實今日數學堂都係架,

我擰轉面,因為袁俊傑同楊璟芹比陳sir鬧,

黃溢冇望佢地,亦冇笑,

咁我就諗住望下佢,

點知佢又望住我...

今日算係開心架啦~

雖然朋友嘅事,都係冇咩點,

仍然咁差...

唉...真係好想叫佢地唔好咁鬥黎鬥去...

但係會有人理我嗎?

放學啦~

今日遲咗d,因為數學要核心測驗,

我連電話都冇打比呀媽,就走啦~

因為我想好似上次咁,

喺黃溢後面...

但係點知佢喺巴士站就上咗車啦...

竟然唔同Ben哥放學....

睇到都有d無奈~_~

果然係孤獨老人呀下= =""

所以去食咗個雪糕,

就走咗啦...

喺車到,一直諗番起佢望住我個樣,

真係一份格外嘅喜悅...從個心笑咗出黎...