我所悲嘅係,

我同佢始終係冇講過一句話...

但係開心嘅,就唔少啦...

今日中文堂,

我要一分鐘講話...

miss鄭叫我不如講個故事出黎,

因為聽日就比賽啦...

咁當然好啦~^^~

我唔敢望廷,

因為我想佢繼續咁望我,

直到我講完為止...

喺我講之前,

周清叫一叫我,指住廷,

做口形咁講:佢呀~

我更係知佢講咩啦...

但係為咗唔好破壞佢對我嘅眼神,

我只好扮唔知啦...

到我講完啦,

佢大聲叫好,

我唔知出自真心定係咩啦~

但係我都係好開心^^

放學嘅時候,

林佩儀話見到廷真係望住我,

個樣仲好呆,好傻咁...

好開心呀^^

我記得我有一次,

中文堂我又係要一分鐘,

但係佢就唔理我,訓覺...~_~(嘈交之後嘅事)

所以今次真係好開心...

電腦堂,我問李sir:"繼續個「繼」點打呀?

點知李sir都未答,

廷就答咗我:好似係女戈...

我打咗之後,都不忘講聲:唔該!

我自己喺位到笑咗出黎,

因為佢竟然會答我^^

我真係諗都諗唔到...

午膳,有件事,令我覺得又有d開心,

又有d唔開心...

廷食完飯,陳婉晴又跟住出黎抺餐盤,

點知咁岩兩條都用緊,

一個係林佩儀用緊,

一個係廷用緊...

陳婉晴竟然等廷果個,

仲差d捉埋佢隻手...

但係廷即刻就鬆開咗...

本黎唔開心架...

因為陳婉晴咁捉住佢隻手...

但係我記得又有一次,

我諗住開門,但係周清怡叫我...

咁我擰轉咗身,

睇唔到廷嘅手喺門柄到,

一隻手放咗落去,(姐喺佢隻手上面)

但係佢冇縮...反而縮得最快果個係我= ="

我好想直接咁問佢同唔同番我一齊呀...

好唔好呢?