哈哈~
今日係大年初一~
亦係好多小朋友好開心嘅日字,
因為會逗到好多利是...
而我都唔例外,
因為我都係一個未成熟嘅小朋友,
仍然好響往呢d小朋友生活~^^~
今日一朝早,呀爸公司嘅同事---江sir叔叔(我咁叫佢),
同佢個細仔,江唔知咩(= =),黎我屋企拜年...
kaka...有又利是收啦~佢地一入門,我都不忘講個:恭喜發財!
當然講完就有利是啦~
佢地坐低咗之後,
呀媽個好朋友兼同事,May姨姨就問:咦~呢個係你個細仔呀?大仔呢咁?唔洗返黎拜下年呀?
江sir叔叔就答:係呀(講佢個細仔)~但係大仔返黎拜個年就又要萬幾銀架啦嗎(機票)~
呀爸喺room到走出黎,又講:嘩~咁高大啦?(但係唔夠我地班個"高佬"咁高喎....= =")
呀媽就答呀爸話:係呀~我地咪成日講我地個女屬雞(講緊我),佢地個細仔屬龍(講緊果個江唔知咩)嘅~
講完之後,一陣笑聲...
但係我就冇笑,反而好衝動咁講咗一句:無聊!
因為實在太無奈啦..= =冇啦啦比人擺上台...
我都講得幾大聲,唔知佢地聽唔聽到呢...
其實我呀媽咁講,係因為我呀媽又係屬雞,我呀爸又係屬龍,
喺生肖上,雞同龍係好合嘅...
所以咪講d咁嘅野囉...= =
大人有大人king計,
我就更係喺廚房到整年糕啦~
整緊期間,呢個哥哥(江唔知咩)不時都走咗入黎廚房睇下...
同佢都算係有幾多話題講嘅...佢喺我心目中,
都留低一個不錯嘅印象嘅,
因為佢係咁多個到訪我屋企,我d親戚&我唔識嘅而又係第一次見面嘅人之中(包括女),
第一個主動同我king計嘅人,
我地仲有講有笑添~^^~
比人嘅感覺好似識咗好內咁...
佢地講咗一陣公事,時事等等嘅野之後,
江sir叔叔收到個電話...
佢要走啦~
咁我地就送佢地走啦~
走前江sir叔叔同果個哥哥仲講:得閒上黎同呀礎而行下街,去下圖書館...
之後又係笑聲...
呀媽話:更係唔得啦~我唔會比我個女做d咁嘅野嘅~物你講d咁嘅野架...
果個哥哥話:唉~佢係咁架啦~唔講仲唔正常呀...
聽到之後更加無奈= =
又再一次比人擺上台...
佢地走咗之後,我地一家又去姑媽屋企拜年...
見番好多大我好多嘅哥哥,
有偉仔哥哥啦,呀立哥哥啦同業仔哥哥...連我個表哥,樂仔哥哥都黎埋..
不過個個我都唔記得係點嘅樣啦...= =(除咗樂仔哥哥)
是但啦~咁多個呀哥裏面,
除咗偉仔哥哥同我多d野講之外,
都冇咩人理我啦...~_~
佢地住屋村嘅,所以有好得人驚嘅狗...
我喺好細個嘅時候,因為唔知邊隻狗追我,追到我跌咗落地...= =
唉...所以好驚果度d狗..= =
但係都好彩有偉仔哥哥...+o+
如果唔係我嚇死都未走得啦...~_~
今日係個唔錯嘅日字...訓啦...聽日就去旅行啦~^^~
到星期五返...
唔講啦~88
