呢排返工

其實都係返左兩日之麻...

星期日返10個鍾

不過我嫌人工少左d lor...

$37一個鍾

要做好耐先會有5~6千蚊

會唔會係我將搵錢諗得太容易呢?_?

Anyway

有工返已經好好

要做好自己

唔好行差踏錯

-----------------------------------------------------------------------------------------------------------

有d野 好想同人講

但

始終唔係咁易講出口既

其實我想講

媽 多謝你

雖然我以前一直覺得媽子教既野 

係好煩 聽到厭 成日覺得媽子自以為有經驗就亂吹水

當我慢慢長大既時候

我先發覺

原來老媽子講野

我係會終生受用

其他野唔講

就講呢樣:

凡事要同屋企人有商有量 唔好事事唔講

講真

係呢方面

已經將我極惡劣既性格改晒

我以前成日都唔同老媽子講我既野

原因係我覺得我一講 佢一定小我先

但係慢慢大個

我明白商量既重要性 坦誠溝通既重要性

正如我將來想同心愛既人建立一個家

我唔會將所有野收收埋埋

我係會好坦誠咁同我將來既老婆講晒

我要比佢知道所有野

同樣地

我都要佢對我坦誠

老媽子都提過我

一個女仔對你唔坦誠 即係唔鍾意你

就算鍾意你 都對你唔坦誠既話

只會搞到家不成家 日日嘈交

點解?

既然都一齊住 結埋婚

成為你既枕邊人 都唔肯同你坦誠

我真係唔敢想像呢個家可以點維持落去?

你同床共枕既老婆 但係你完全唔知佢既諗法

真係......

所以

就算我幾愛一個女仔都好 而個女仔幾愛我都好

首要條件:坦誠相對

如果唔係

我怕我只會行返條舊路

-------------------------------------------------------------------------------------------------------------------

Anyway

我自小性格就好講大話 唔講大話唔心惜

唔鍾意同屋企人分享所有野

但係因為媽子

將我既性格一步一步咁糾正

令我明白同家人坦誠既重要性

媽

多謝你