今日一早就要返去補數學．．唔知係咪尋晚訓唔到既關係 今日好攰∼又驚會遲到 但又眼訓 想訓耐ｄ 結果起左幾次身 睇時間∼十點幾就出左門口 返去補課 學校搵左個傻仔阿ｓｉｒ黎教我地．．條友講野又一舊舊 成個白痴仔咁
我都冇咩理佢．．成日係度諗緊老婆同我講果句野．．唉．．個心好煩∼∼同妳冇見幾日 又話我地好似普通朋友咁．．
唉∼∼呢日講愛我一世 隔兩日 又可以同我講做返朋友．．
係呢個悠長既暑假裹面．．我唔知妳真係仲會唔會愛我∼
但我好肯定講一句 妳係我最愛既人 亦都係我最鍚既
呢個事實 點都唔會改變∼我知妳每次同我出去 都會好悶
其實我又點會想妳悶 得閒都會搞下ｄ活動 大家出去玩下
唔洗成日係長沙灣∼ 每次打電話比妳 都唔會傾好耐 我覺得好似係我煩緊妳咁∼妳會求其咁講幾句 就收線．．
我唔打比妳 又會話我唔理妳 唔顧妳感受
我應成過妳 每次自己出去搵ｆｄ果陣 都會同妳講聲 我係邊 做緊咩等等．． 我知妳會擔心 同時妳出街 我亦會擔心妳。
同妳一齊咁耐 我都知 間無中 會有ｄ男仔追妳
如果係一個女仔黎講 梗係開心啦∼仲有男仔追
我唔會過問妳地之間既事∼當然我都會呷酷啦 我信得過我自己女朋友
做情侶 本應就相信大家。
有時妳會出去搵返以前果ｄ ｆｄ 玩∼我同妳講 不如我陪妳一齊去啦，每次妳都會話唔好 其實我真係好想知妳出面ｄ ｆｄ 係點∼ 妳話唔好 我都無逼妳啦
作為一個男友黎講 自問我覺得自己做得唔係好差姐！
同妳一齊半年 妳同我提出過兩次想同我分手．．
無形中會成為我心入面既一條刺
我知妳 可能會覺得我好煩 成日都話呢樣唔好果樣唔好
妳唔想讀書 我又要妳讀果ｄ 妳真係要諗清楚ｄ 我唔想妳咁細個 就諗住出黎做野 妳都知依家搵工 好難 我都係一樣
真係唔好諗住讀一兩年就出黎做野果ｄ 我之前都有諗 後來我覺得ｄ人未讀完中３ 就出去做野 係一件好傻既事
係呢個社會裹面 乜都要講學歷 學歷唔夠人高 人地就唔請妳
呢個係事實 作為妳男朋友 我當妳想妳好∼
我知妳屋企有好多野令到妳好煩 妳好想搬出去住 妳都同我提過好多次．．我話完妳 妳都話 唔會再同我講
我以前都有諗 搬出去住架．．諗深一層好多野都未必好似諗咁一樣 有好多野都分擔唔到 妳一個月唔過萬收入 都好難搬
出去住 我寧願妳覺得我煩 都想妳好囉。
 | 
