話說今日係我學校既聖誕聯歡會,
雖然有好多野食,但係只得好小,
包括有:薯片(超多),壽司(唔夠十分鐘比人ko哂),雞翼(都幾好食架),沙律(好食),咖哩魚蛋(ok),彭sir整既炸魚柳(好受歡迎),
同埋一個芝士蛋糕(一個字:棒).......
食飽飽之後我地班就玩遊戲,果遊戲都唔係好知點玩,所以第一個就同Banson出局了= =
就係準備罰我地既時候,阿sir講左一句『同學,夠鐘啦,收野啦!!! 』我即刻變得有小小無奈- -
放左學之後,我同cream,benny一齊,講講下我就話不如去我屋企,佢地都話好,(出奇地,阿媽竟然俾佢地黎喎^0^)
番到我屋企既時候,佢地兩個都話肚餓,所以我地就煮三個米粉一齊食,但係煮左之後,cream同我講佢唔鐘意食= =
就係我唔知點算既時候,benny同我講佢幫我食埋,因為佢好肚餓=v v=(有小小估唔到佢咁食得)
食飽之後我地就入左我房玩大搗亂.....
首先,佢地不斷搞我張床,的野亂哂@@
其次,不斷原地跳,就黎嘈死樓下,,,
最後,講野超大聲
總合以上三點:救命!!!!!!
玩完之後,cream提議我地去散步,所以我地就去@@
點知行行下,某人打電話黎,問我地出唔出去新城市,我地就急急腳咁出左去啦- -
點知出到去又係得個睇字,冇買果野就番去啦.....唉~
之後我就同cream係馬鐵站傾計,傾左大約半個鐘啦~我就左番屋企啦.....
|
