依幾日返學都見到小美!好耐冇見啦!

其他既小學同學都好耐冇約出黎!

中一果年成班加阿sir一齊BBQ!開心~

我仲記得果日踏左牛屎對converse好多下!

踏到黑哂!我話幫佢洗鞋!不過講到而加都未做!哈哈

之後中二定唔知中三都有攪過活動!

不過果日落雨...去唔成!

中四都有攪去唱k!不過我冇去到!好少人去!

而加中五...唔知有冇咁既時間約出黎呢?!

因為大家都好忙...好多功課,補課!

我今日已經開始補課生涯啦!唉....

開左學咁多日...終於清哂d暑期功課!YEAH

一日走幾次堂!揹住書包走黎走去!

個書包好重呀!我決定唔揹啦!

就咁拎d野走人!

睇<<超級巨聲>>見到d人咁老友!

佢地一個星期先見一次...識左2,3個月就咁fd!真奇怪....

不過自從我去左AN後...就覺得一d都唔出奇!

我地都係逢星期六見!只係識左一個半月!仲老友過佢地!哈哈

今年差唔多堂堂都要走!

除左中文同基教...其他都要走!

其他堂多數都有特定既課室!

除左數學一個星期有3日要上....去2個唔同既課室!

通識仲慘...一個星期上3日...3日都唔同!

走得最勁都係一日內係5個唔同課室上課!

而加課室係6樓!好高呀!

我中一,三,四都係4樓!中二就3樓!而加要上咁高!Ohohoo....

成日都要走堂!揹住個書包周圍走!

唔計PE堂係地下之外...最遠要走到2樓!

由地下行上2樓就好...但係而加係由6樓行落2樓再上返6樓!

行咁多樓梯...好健康呀!

以後逢星期一,二,三都要遲放!話唔定有時四,五都要!

放學後要係學校補課!救命.....

上星期六去左camp...冇返教會!

唔知點解今日有d唔同既感覺!

之後BB步操...我好耐冇同大家一齊操啦!

上星期冇返...上上星期教新中步操...上上上星期教新初!

再次同大家一齊操...好似有個隔膜!

步操果陣....我心諗:真係好想返bb呀!好想同大家一齊步操...一齊上專章!

操左一陣就要去AN!

最後一次啦!完左之後...AN一齊去食M記!

真係好開心可以識到各位!各位都識我啦!因為有2個chow hoi ying!好難得...真係好有緣!

要講byebye啦!勁勁勁勁勁勁爆唔捨得!嗚嗚嗚..........

而加真係好想繼續有AN!ANANNNN..........

正式上堂啦!又要返全日!

好野......星期五啦!聽日放假!哈哈......

但係只係返左一日學咋喎!(第一日上堂)

我做功課既速度又回復返之前既水準啦!hahaaa