今日就係死期la...唉~9點幾就返左學校...
個死奶媽叫我9點半返到學校...佢都會返...但點知我返到去係最早gei一個...
等等下...芷媛兄就黎到la...傾左陣...yuki同kelly又黎到...
但個死奶媽仲未見人...(深感被騙...點解我咁蠢竟然信佢會咁早返到ga) =3=
之後到9點50分佢先出現...過份...
跟住就去左醫療室度練下...點知冇個powerpoint...
學校又整冷氣搞到冇得上網...小丸子就叫我返屋企攞...
15分鐘後要返番去...跑死我...好在家姐用緊電腦...唔使等佢開...
搞拈之後拿拿聲番番學校...時間岩岩好...
練到11點半...小丸子同我地去富來居食野...
佢叫左好多野食...仲猛咁叫我地食...
阿政坐我隔離...小丸子叫佢要夾野食俾人...
咁佢就猛咁問我要d咩...佢問左我幾次...我終於答佢我想要菜...
點知佢一夾夾左好多俾我...仲有d辣椒...好辣...食左d...
阿政同我食埋佢...(放心我地有2隻碗...而且個d我冇食過...同埋我冇病ga)ka~
點知小丸子叫左鬼咁多...食極都有...搞到我好鬼飽....
最尾仲有個唔知咩雞...阿政又問我要唔要...
今次唔敢答...咪唔出聲...點知佢夾左1舊...之後又1舊...佢夾左2舊之後我同佢講得好飽...
但小丸子又夾舊黎...唉~食完之後要搭車之前同yuki個d去toilet...
去到門口...猛咁係度講好飽...
出到門口之後...小丸子唔同我地一齊去...
我地一路行...就一路講好飽...咁大個女都未試過食咁多野ga lunch...
之後就去搭輕鐵轉西鐵...但我地都估到我地會遲到...
點知真係...去到都1點半過d...
我地仲去埋toilet先上去...上到去好在仲未開始...
但我又要拎住個usb周圍行...又要開番個電腦copy番個file...
搞左一輪...終於搞拈坐定定睇表演...
睇一個好好睇...我仲見到同學tim....點知跟住個d都好咩下...
但到阿輝個組出場...一開場就太犀利la...佢講d英文太利害la...
但我聽到一舊舊...但個話劇一開始就好好笑...仲好笑過第一個...
到佢地答問題個陣...我基本上到唔係明個評判講咩ga...
但我知佢地答得好勁...之後唔知點解阿輝佢地竟然中途離場...
我同阿冼就諗點解佢地可以咁早走ga...=3=
之後當我地睇睇下...突然電話響...嚇死我...
因為冇搞靜音...仲好大聲tim...我拿拿聲衝出會場...聽電話...原來係阿輝...
入番去俾奶媽鬧點解唔較震機...之後冇耐到我地入去la...
為左安全起見...關機...我仲要出台講野...嚇死...
到個評判問問英文問題...我原本以為叫曄姐答...
點知曄姐傳左俾芷媛兄...芷媛兄又傳比奶媽...
比人見到係度笑...奶媽之後仲要好底死咁講...
"Sorry...we are f.4...can you speak in......."
超搞笑...搞到台下猛咁笑...
之後又落番台...去左平台花園傾計...
又入番去...之後見悶...又同曄姐...阿冼...出左去傾計...
點知又入番去仲未得wor...點知相同事情又發生...
電話又響...又係好大聲...又衝出去聽...今次係姝姝...
佢同大佬杰到左wor...
但我仲未得...未叫佢地等下lor...
到左5點半就走得...但佢又叫每間學校留低一個人聽d野...
我本來叫左奶媽...但又好似好衰咁...咁咪同佢一齊去lor...
聽左兩個字...終於可以搵姝姝la...
點知等左好耐先見到佢地...仲見到大佬杰猛咁同第2邊揮手...
佢話認錯人wor...=3=
姝姝幫我買左海報...好野...之後行左陣...到7點幾先返屋企...好累ar~
|
