今早回到公司（都不算早了，１０．３０），大大個老闆得左係房呀！搞咩，咁早返既，（他平時的上班時間１１．３０）公司只有二個同事剛回，我們多在１０點多回公司，今次真的給他捉過正。我即時發ｓｍｓ給其他人即時趕返黎呀！

何解今日他會痴膠花呢？大家可追溯到上星期，他跟會計部的同事說：他媽的，你地咁晏返工的，他媽呀！
可能他姨媽來了整整一個月，好好火、好鬼燥，不過，我們真的太有點過分！
之後，他一整日都是用黑過墨汁既臉口對著我們啦，給面色我們看囉。好恐怖囉∼整日大家都不敢傾多幾句。

相信我們離死期不遠了。

星期二晚，跟屋企人到紅館聽蔡琴演唱會。
在我們小學至中學時，由於爸媽在星期天常會播蔡琴老歌，當時尚有鄧麗君、beyone、羅大佑、費玉清、優客李林．．．．
在薰陶下，我們慢慢變了她的粉絲，那她開演唱會，我們又怎能放過呢？
演唱會，絕大部分的聽眾都是上了年紀的嬸嬸、叔叔．．．我同家姐的出現，即時被投視奇怪的眼光，雙眼像在說，你們這些o靚妹仔知唔知邊個係蔡琴呀？識唔識聽呀？十萬個為什麼！！我們絕對熟悉她的每一首歌，認識的跟她們一樣多呢！大家都是為會知音而來，因此蔡琴不用舞伴、浮誇的舞台、嘉賓，只要以歌會友已經足夠了。

當晚，蔡琴由演繹３０年代老上海的四大歌后周璇、白光、吴驀音、李香琴的經典名曲揭開序幕，之後經過５０年代的香港，再到７０年代的台灣，最後到了８０年代的蔡琴歌曲。
她唱歌有豐富的感情、悅耳如烏的歌聲、有如深海一樣的氣量，像跟你說出每首歌的故事。她更將整個紅館變成了夜上海、老香港、寶島歌廳，大家像回到當年，聽得我們如痴如醉，加上她有台灣人的熱情風趣的性格，令現場生色不少。

今次的演唱絕對值回票價，而且還有找，懂得唱歌既又有幾個呢？聽出耳油∼

自從離開學校，出來工作後，不論外貌、談吐、性格都會隨著工作經驗增多而有所改變。我得大的變化明顯是把十年沒有刷牙的爛臭口是也。由於第一份工作的地方、環境、人士，全都是用粗口來交談，在潛移默化的情況下，我慢慢變成了一個精通多種各式各樣的粗口、爛口、口臭的地道阿佬方言，再經多年來的浸淫下，我的說話技巧經已將粗口運用得對答如流，有如一個不折不扣的地盤佬（只是聽聲）。

加上，本人聲音一向都比較厚實，性格又比急性．．．．．你知啦，本人最怕講野蚊資資咁細聲，鏈住把聲扮ＱＱ既聲線；你知啦，我又好怕ｄ作狀到死既對答；你知啦，最怕扮斯文，有個句就講個句喇；你知啦，最怕講野咁女仔！因此跟我對話時，會發覺我是如何粗聲粗氣啊∼

有時候，粗口是可以加強語氣，將我內心的一團火變得更強更火。不過，現在續一收歛中，希望可以甩掉這壞習慣，不再時不時都爆２句粗口，只會在好火好火時，或跟爛口既男仔才會用上一兩輔助一下．．．．改善中了。

好火．好火．．好火．．．火．火．火

（以下內容將會出現萬句粗言穢語，如感到不適，請務必不要觀看，敬請留意，THANKS！）

今日由早上忙到下午，整日都是剪剪裁裁相片，水都只是渴了一杯。到了３點多，差不多完成手頭上的工作，老闆叫了Ｅ及Ａ小姐入老闆房，她們都是老闆得寵的員工，特別是Ａ小姐，好上班時間永遠都是比老闆早１０－１５分鐘到步；另外，經常性打網上麻雀，現主力打任天堂手提遊戲機，整日都是打機講電話，實質工作時間只是一個小時多DD囉!頂佢個肺丫，個個都做到死，咁得閒打機．．．妖！

她們在老闆房嘻嘻哈哈，有講有笑，那她們出來時笑住對著我說"cindy你要出去影相呀！"（唔係呀化，攪乜撚野呀！！）"老闆要你去影呀!落下劉青雲、林家棟拍緊戲，郭生要你去影呀！”屌你，唔撚係呀！！忙到死仲要去影，得閒到爆既就繼續坐係到打機，你有腦冇呀！明顯係要點我啦。屌．．．鬼叫唔識冧老闆呀！！

我落到去，明顯人地拍戲絕對不可以拍照，我仲要用攝影師專用的機，一拎出來咁大支野，係人都見到啦！！我只是拍了幾張，已經比人發現了，開始有幾個人啤著我，那我只是拍一兩張交數就算了。好撚煩呀！

上回去比佢睇，佢明顯知道我亳不願意去做，還要笑著臉跟他說：係呀！比人圍，唔可以影相呀！（頂你個臭肺丫）
之前已經叫過我去拍，又係鬼死咁多野做，叫我去，抵死到，一邊吹我做好了手頭上的東西，那邊相又要我去影野！你是抵能嗎！
定係我是白痴呢？想迫我走都唔係咁玩我呀！我死都會過年後先走！！

不吐不快，舒服哂！！

星期六，大家ＢＢＱ玩後，晚上１２多點芳芳打來跟我說明天打保齡，跟kennth、kitty他們到南華會碌齡。我即時答應，有得玩又怎會錯過呢？
我們全都約下午時段，因為之前大家都累了。
第一次到南華會打波，唔知會唔會撞到劉華呢∼噢！他原來已經轉場了，轉到奧海城。我們一入場即時feel到有股殺氣，每一條齡打到嘭嘭聲，而且個個都一佰分以上．．．．．ｏ咀呀！！！
相信我們係全場最屎波及最抵分的人啊∼我最高都只是５０多分，旁邊另一個小朋友都打百分以上，他看見我們不知有何想法呢？

芳芳的英姿，全中的。

晚上，我們打算食橋底辣蟿，＄４８０一隻大的，供４－６人，可惜太貴了！那我們改食其他了，他們帶了我公司落下財記食潮州菜。平時我多是經過，從未幫襯過，原來不差，味道不錯，價錢合理。

當晚我們食了：醉雞窩，湯底足糧，味濃，飲完成身發滾；
　　　　　　　上湯Ａ菜，菜甜不苦；
　　　　　　　蠔仔煎餅，終於搵到不是炸，而是煎的，蛋香，可惜蠔仔比較少；
　　　　　　　蠔仔粥，每一匙根都有大量蠔仔，正；
　　　　　　　避風塘花螺，味道不夠，螺還螺，辣還辣。

蠔仔粥



蠔仔煎餅



避風塘花螺