大家好∼係咪好掛住我呢？？我太長時間都無打blog啦！今日睇番先知，真係好對唔住∼

以家我一次補番，ok??

Ｄ個星期我係超累，點解？問得好，因為要練舞，有睇我地2A班既blog都應該知，係因為十月二十九號既English Drama，不過因此我地2A班同2C班鬧得好僵，搞到我唔好意思同2C既人講野∼明明大家上年都係同一班，何必搞到咁呢？雖然係咁我都希望2A班贏啦∼

今日我知到我地2A同2C既誤會終於解開，真係好啦∼要開香檳慶祝，不過有無錢都係一個問題！唉∼我有何包僵硬化ｄ個病，揾人幫下我呀，唔該∼

又講下前日先，前日係星期六，我有一個唔知咩既英文班，我帶左NDSL返去玩，不過Ookami重串嘴，佢竟然帶PSP∼我如果唔係部PSP唔記得充電開話，我都會玩PSP啦！算，最慘既係我玩太鼓既時候，比Polly Chan搞到升唔到級，怒到我講野咬到條唎，超痛啊！最好笑係潘思思係到上周公online,又唔同我一起上~我覺得Ｄ堂上得超有意義，因為成堂係到狂打機∼哇哈哈∼

我講下今日先，我做做下功課，發現我無帶所有中文功課返屋企做，死啦∼唔知有無得返去攞功課呢？？再諗下，重死Miss O既500字作文未做，如果你諗住作文好易作既話，係就大錯特錯！我要作既係英文作文，係超難作嫁∼我想請英文高手to help me我重未想死啊∼

最後預祝我地2A贏啦~