十一國慶同中秋節都要留係中心同ｄ學生共同渡過，可以講咁多年教學生涯都係第一次．國慶日舉辦左國慶杯乒乓球比賽，有單打同雙打，我就只係報左單打項目，經過五輪比賽僥倖地攞左冠軍，而雙打就由阿光同阿邦獲得．
因為中心係嚴禁學生同外界有任何聯繫，所以我地返到中心都要放低電話，原來ｍｉｓｓ左好多電話，都係問我中秋節出唔出黎玩，不過今年要留係中心過夜，所以冇出到去．
ｄ雨真係未停過，係咁落，可能唔同時段有唔同心境，以前讀書時好鍾意下雨，每當下雨時，總愛一個人坐在窗前看雨點灑在地上，一個個的水泡在地上冒出．也愛看雨時加上少許的愁思；現在上班下班時，人來人往，經常給別人的雨傘踫撞，腳上滲透了雨水，蠻不舒服的！
早上去了灣仔聽一個有意毒品的講座，其實在中心真的學到了很多以往道聽途說的東西，現在卻親身了解到！下午回到中心，大星今天畢業了，明天畢業的是國良．
整天下著雨，但依然無損一班學生的熱忱．昨天算是中心第一次的運動會，假西貢鄧肇堅運動場舉行，在一號風球懸掛下，從元朗出發時還是陰天，沒有下雨，當巴士到達井欄樹時，天上開如下起毛毛細雨，心想這些雨還是可以接受．
回到中心後，他們已經準備好心情比賽了，開車時，天又在哭了，心情也差了一點．一路上有說有說有笑的，心情也慢慢回復了，雖然只有四十多人比賽，但和一般學校很不同的是學生們的投入和認真，經過雨點的洗禮，最終都能完成所有賽事，當然和賽前預測一樣，團體由忠舍奪得，個人總冠軍則由啟賢取得．其實每一個項目，他們的競爭都是相當激烈，希望下一次比賽會更好．
今天沒有堂上，所以不用上學，你地可能好奇怪，邊布咁正ｇｅ工，冇堂上就唔使番，其實你地有所不知喇，因為在中心內我地ｄ先生係要輪流當值，好似公眾假期都冇得放，而且每個星期有一晚要當值ｏｖｅｒ ｎｉｇｈｔ，所以ｄ上班時間比較特別．
昨天又帶左班學生去彩虹道打沙灘排球，不過打打下就落大雨，不過佢地都唔驚淋雨，搞到我一齊俾雨淋，前幾天跌左部手機，所以你地想打電話俾我就等十月先（等我買番部手機先）
逢星期五就是足球隊練習，同以前真係好唔同，以前就係我講學生做，但而家就係我講一齊做，淨係跑圈都跑到氣喘真係有今日囉）．今日真係好晒，我諗好快就變朱古力喇．
下午唔使上堂，準備９月２８日運動會ｄ野，我諗都會做得幾好卦．
５：３０放工喇！又係搭亡命小巴到彩虹轉車，７：１５左加就番到屋企．拜拜．．．．．
