今日５點１０起伸！跟住又係訓過啦！食早餐就番學！

番到去！叫亞燕教我做數！仲有１０幾題咁啦！之後就一齊上課室啦！

班主任節！Mｉsｓ蔡派通告！萬人行！唔想去嫁！不過唔去要留係學校溫習喎！咁咪去囉！

雖然行係好辛苦！但係我覺得會好似去玩咁囉！不過唔知到時有幾辛苦！

之後上VA！繼續畫果幅圖啦！之後就上音樂堂！上完音樂堂就小息！

上番課室！係Lｏcｋeｒ放好書＆落書之後就過左去Ｅ班！猩猩又過！佢見到我同穎怡係到唔敢過！

因為我地會打佢！不過我唔係想打佢！我係想拍佢個頭！佢Ｄ頭髮真係好好玩！haha！

之後就上數學！小明依家堂堂都叫人出去做數！雖然佢未簡過我出去！不過我都好驚！

佢寫左個題目去個黑板到！跟住搵人！我成日都見到佢望住我！但係就叫左第２個！好彩！

之後中文堂！好悶...咁我就拎張紙出黎！同穎怡畫猩猩個樣出黎！好搞笑！ｈａｈａ！

跟住猩猩話佢要寫番ｄ野黎話我！寫到好搞笑！跟住就咁玩落去！ｈａ！好玩！

之後lｕnｃh！妖....好鬼憎某兩個女仔領袖生呀！成班人都憎！

某一個今日紮果條辮！我果班ｄ人話佢紮到成個【村姑】咁！哈哈！

之後就同麗珊上左去圖書館啦！打鐘又落番去睇書！睇完我就叫招財借本【笑到凸肚臍】！好搞笑！

叫左佢好耐先至借比我嫁！之後英文堂就偷偷地係櫃桶到睇！睇足兩堂！

跟住就打鐘！同穎怡，麗珊＆美寶去電腦室做ＰＢＬ！叫陳伯開個電腦室我地！

之後周Sｉｒ比３個S.１ 0既小朋友入去做佢地ｄ野啦！所以間電腦室計埋我就有７個人喇！

之後ｄ電腦室管理員就狂咁踢門，又話叫我地開門！但係我地都冇理佢！因為亞Ｓiｒ話唔好比第２ｄ人黎！

勁煩囉佢地！不過我地都繼續做ＰＢＬ！

做到５點就走！我同麗珊一齊搭車！番到黎５點幾！開電腦，之後就睇電視！

跟住食飯！沖涼！之後先打日記！