今日９點就起左伸！之後就刷牙啦！食早餐！到左１０點幾又開電腦！！

又係玩下ｉｃｑ呀ｍｓｎ咁啦！上下個板板＆畫板！！

之後１０，１１點咁！我個表哥打電話黎搵我亞哥！但係我亞哥仲未起伸！

跟住過左一陣啦！我亞哥起左伸！佢刷完牙！就叫我幫佢滴果ｄ唔知咩！好似係消炎之類啦！咁滴落耳仔到啦！佢琴日放學去左葵涌廣場果到釘耳窿！係釘耳骨喎！比雀係我！實唔敢！都唔知佢番學會唔會比老師捉！我間學校連有枝耳針係到都唔比！佢成個唔知咩係到！！唉！咁我幫佢滴完！就繼續玩電腦啦！！！

之後又過左一陣！部電腦就比左亞哥！我就食午餐啦！跟住我諗住攞我枝牛奶出黎飲！跟住我見到我亞哥果枝牛奶變左做冰！咁就問佢啦！原來佢琴晚凍落雪櫃唔記得攞番出黎！我亞婆今朝幫佢攞番出黎！咁我亞哥就攞個[遲斤]出黎！！好似整到刨冰咁啦！咁我就主動助佢一臂之力！幫佢刨！好玩！

跟住點幾２點！我亞哥又出左去！咁部電腦又比左我！我又上網睇左小小鬼嘅野！之後武松係ｉｃｑ到比左佢個聊天室嘅網址我！之後我就上去啦！本身同武松＆麗珊傾嘅！之後就同武松，金蓮＆巴士係聊天室到傾啦！傾左一陣之後就冇傾！！之後我又上下人地個日記板到！之後亞媽番左黎！好野...有芒果食！即食左一個！之後到左６點幾就打日記！