對上一次打呢個日記, 已經係上年既8月 -

直到宜家又係8月, 亦都係各位會考生好緊張既時候啦 -

呢個教室本來有兩個老師, 天使同魔鬼, 可惜係宜家呢一刻就只係得返魔鬼一個啦 -

因為天使已經搵到佢既心上人, 搵到佢既另一半啦 -

可能已經冇時間會再上梨呢度同大家分享點點滴滴啦 -

身為佢既好拍擋, 希望佢可以有一段幸福既感情啦 -

===================================================================

而我自己宜家係度進修緊自己 -

可能我講既野對大家都冇咩幫助, 但希望各位可以從中參透到少少玄機啦 -

呢排睇緊D由唔同作家寫既散文, 關於男人既, 女人既, 通通都有 -

希望可以同大家分享到既更加深入都深刻 -

====================================================================

正所謂能醫不自醫, 魔鬼係宜家呢一刻都有呢種感覺 -

宜家就先賣一個關子先啦, 係遲D既日子, 魔鬼會慢慢同大家分享我既心聲 -

希望各位以後都可以繼續提出問題啦 -

各位BLOG友, 非常抱歉, 天使 同 魔鬼 有喜事 ~

因此有幾日唔可以再同大家分享 ~

不過大家依然可以繼續留言同發問 ~

天使 同 魔鬼 辦完喜事一定會「還債」 ~

謝謝各位 ~

好多謝各位朋友既回覆同埋問題啦 -

我會盡一切能力幫你地解答問題架 -

可能答案唔係你心目中既答案, 你當然可以上訴同繼續發問架 =]

TO hoTlove :

係架, 搵到一個你岩佢, 佢又岩你既人係好重要 -

但係搵呢個人, 係一件好難既事 -    所以遇到一個咁既人就千萬唔好俾佢走 -

係你日記之中, 我隱隱約約覺得你已經搵到自己既Target -

如果係既, 介唔介意同大家分享下你同佢之間既事呀 ?

例如, 佢有咩可以吸引到你, 你憑咩知道自己真係真心鐘意佢 ?

希望可以等其他BLOG友們有一個借鏡呀 -

TO jerryngan :

我明白你既問題既, 容易鐘意一個人其實都有原因架 -

可能係你自己本身, 成日都覺得缺乏情 -  好想自己可以搵到一個錫自己既人啦 -

出現呢個問題, 可能係因為你係屋企入面感覺唔到愛, 你希望有一個女朋友梨滿足自己啦 -

另外一個可能就係因為你睇得比較多愛情小說, 將自己代入左書中既角色 -

想學書入面咁, 搵到一段非常幸福同甜蜜既愛情 -

其次, 你身邊既女仔可能比較「野」人憐愛, 見到佢地就好想可以保護到佢地 -

呢個就一定唔係「愛」, 你只係想保護佢地, 避免佢地受到任何既傷害 -

最後, 可能係你既生活圈子之中, 女仔朋友都算係多, 你容易接觸到唔同類型既女仔啦-

咁你會覺得, 好多類型都岩自己, 想試下邊一種先係你既最愛 -

當然, 我完全唔支持你係第三種啦 -  因為你係第三種既話, 就會Hurt到好多人 -

你只係抱住「試」既態度, 完全冇認真對待過呢段愛情 -

講到點樣分得出自己係「鐘意」定係「愛」, 你分唔清, 係應該既, 「當局者迷」呀嘛 -

好多人都覺得, 呢個女仔好, 個個女仔又好, 都唔知揀邊個 -

但係, 世界上好既女仔多不勝數, 你要一個一個好鐘意, 咁要等到幾時呢 ?

咁岩, 係新香蕉俱樂部既Forum見到一篇幾岩你架 -

http://bananaclub.5d6d.com/thread-1099-1-1.html - 係一篇講愛上一個人既7個預兆 -

睇完之後, 你唔好話對住個個女仔都有D咁既感覺, 如果係既話, 我反而覺得你未搵到你真心鐘意既人啦 -

你唔係鐘意個D女仔, 只係覺得其他朋友可以同佢地咁CLOSE, 但係你就唔得 -

你可能只係妒忌心重, 覺得人地可以既野, 你自己應該都可以, 你唔覺得自己唔得既 -

有關於"鍾意"同埋"愛"ge分別我有少少野想補充

其實呢2樣野分唔分到就真係要睇下自己可唔可以冷靜咁分析一下啦

你所講ge鍾意係指好感?

根據我既經驗所得

如果你對個個人只係好感ge話

過多幾日就會冇左個種感覺

或者當你見到另一個人更符合你ge"理想對象"ge話

你對佢ge個種感覺就會愈來愈淡

而如果你對個個人係有你所指ge"愛"ge話

個一種感覺係持續ge

唔會因為時間或者一dd好少ge事就冇左

p.s. 我諗你好容易"鍾意"人

我覺得係因為你個人係比較鍾意同人玩ge

好容易就同其他人玩熟

同個個人都同時對你好好ge話

就會出現左好似鍾意左個個人ge幻覺啦

by 天使

TO 法 :

其實呢, 你問呢兩個問題都係有關連架啦 -

可能係因為你唔識得制造話題, 你先抑制唔到自己唔打機囉 -

對於我自己梨講啦, 愛情, 一定係排第一, 而且一定係最重要 -

好多人都話我好蠢架, 好多人都唔信我講架, 可能係我自己同佢地觀念唔同囉 -

大部份人都會話親情先係最重要既 -   我承認親情係好重要, 但係我會以女朋友做第一位先囉 -

我都唔知點解架, 只係覺得兩個人有緣一齊, 咁你就要盡係能力去令佢開心, 仲要去保護佢 -

我唔係歧視話女仔弱, 一定要男仔保護 -   只係覺得佢將自己交俾你, 你就要做返應該做既野囉 -

講返正題啦, 你成日打機, 唔理個女朋友, 你就一定係唔岩架啦 -

女仔, 唔開心既原因一係就屋企人, 一係就男朋友 -

屋企人方面我就唔多清楚啦, 但係你咁做就一定係大錯特錯 -

女朋友唔應該只係佢唔開心既時候你先去關心佢囉, 你平時可以試下Enjoy同佢一齊既一分一秒啦 -

佢宜家就好明顯係遷就緊你架啦, 邊有女仔會鐘意男朋友唔理自己呀 -

你女朋友真係可以話係一個好好既女朋友囉, 我以前既女朋友知道我去打機唔理佢, 已經可以嘈到拆天架 -

佢唔單止冇叫你多D陪佢, 唔好打咁多機 -  仲要唔開心都要話唔關你事, 唔想你內疚囉 -

抑制打機, 真係冇咩幫法架啦, 真係要靠你自己去努力 - 

就當你真係抑制唔到, 一定要打機打機打機, 咁都算啦 - 你試下可唔可以同女朋友傾電話或者SMS既時候, 可以一心一意同佢傾呢 ?

打機, 可以PAUSE既姐, 但係女朋友呢 ? 時光好快就會過架啦, 老土D講句, 珍惜眼前人 -

你唔捉緊你女朋友, 佢到時真係走左你先梨後悔, 係完全冇用架囉 -

到你第二個問題啦, 話題唔應該係要製造出梨先有架囉 -

即使你平時係屋企有咩做, 出去同朋友玩既時候見到D咩有趣事, 通通都可以同佢講囉 -

如果下下都要製造先有偈傾既話, 你唔會覺得好辛苦咩 ? 次次傾親偈都要諗爆頭囉 -

照你咁打出梨, 我估你可能會好少同你女朋友出街啦 -   你又鐘意打機, 又唔知同佢有咩好傾 -

但係, 出街先可以知道佢真心鐘意D咩, 知道佢平時既興趣係咩囉 -

你諗下, 一個女仔, 遷就左你咁耐, 你由呢一刻開始係咪應該錫佢多D呢 ?

當然唔係叫你去遷就返佢, 但係起碼同佢一齊做D佢鐘意既野啦, 而呢D野你又唔係特別抗拒既 -

因為我唔知你女朋友係點架啦, 佢可能同普通女仔一樣, 只要同男朋友一齊行下街睇下戲就已經好開心架啦 -

你女朋友呢種女仔唔係話好難先令到佢地開心囉, 你花一花心思, 每日用幾十分鐘去同佢傾計 -

又或者用幾分鐘時間去諗下有咩可以令佢開心, 我覺得佢已經滿足架啦 -

最後, 你想像下, 你又冇話題同佢傾, 平時又唔多理佢 -

咁如果你第時真係同呢個女朋友結左婚啦, 咁你係咪又用宜家咁既態度去對佢呢 ?

宜家你地已經唔係成日都見到對方架啦, 你已經話冇野同佢講喇 -  以後日日都要見住咪大鑊 ?!

希望我講既野你會明白啦, 同時都希望你地兩個可以一齊得開心快樂 - ^^ -

TO loveshan2006 :

岩岩睇完你近幾篇既日記啦, 容許我同你講另一樣野先 -

你中三升中四, 最多咪16 , 17 歲, 咁快就去搵工做係唔好架 -

一梨, 中四係好繁忙架, 你要好多好多時間去準備的 - 你仲要係最後一屆既會考生, 你地既CE都唔知點算 -

二梨, 呢個暑假係你最後一個可以開心咁過既暑假, 可以既話緊係玩左先算啦 -  返工太苦悶啦, 唔應該係呢個時候做 -

好啦, 回應返你既問題啦 -   你話有個男仔好似對你有FEEL -

首先, 你係點樣GET到個男仔對你有FEEL先, 佢做左D咩舉動令你有咁既FEELING呢 ?

其次, 你對呢個男仔又有冇FEEL先 -  如果你真係真心鐘意呢個男仔既, 就要去確認個男仔係咪真係鐘意你先 -

因為你既形容比較短, 好難可以分析到個男仔係咪鐘意你架 -

睇你INFO張相啦, 又咁多人留左CM俾你, 咁你應該都算係靚仔靚女中既「瘋狂搶購型」啦 -

個男仔係咪對自己冇信心 ? 想追你, 但係又唔敢出擊, 佢可能對自己冇信心, 覺得你太多人追, 佢自己唔夠人爭 ?!

你要知道個男仔係咪鐘意你, 你可以從唔同途徑去知道啦 -

試下, 可唔可以同個男仔既好好好好好朋友傾傾 ? 睇下個男仔有冇同好好好好好朋友講心底話啦 -

你又可以試下多D同佢溝通, 等個男仔知道你既心目中有佢既存在囉 - 可能會令佢有信心, 同埋放心去追求你啦 -

其他方法嘛, 你可以試下叫你既朋友去套下口風囉, 通常你既朋友佢先抒發到內心既野囉 -

總之, 宜家最緊要既, 係你自己要CONFIRM左你係咪真係鍾意佢先 -

如果係既話, 你就要開始試下同佢接觸多D啦 - 傾多D電話呀, SMS下呀, 同佢講下你想睇邊套戲咁囉 -

到差唔多時候啦, 佢就會開始行動架啦 -   希望你可以搵到真愛啦 - ^^ -

希望我既解答幫到你地啦, 如有問題可以繼續發問架 !

各位, 又係我魔鬼啦 -

趁宜家時間比較多, 要打多幾篇呀 -

首先要多謝各位梨留言既朋友們, 多謝各位咁有心留低CM, 可以既話記得要回應一下呀.=]

等我知道下你地各位既意見呀嘛 -

 TO jerryngan :

可能你講得冇錯, 做左都唔一定搵唔到自己既真愛, 但係唔做就一定搵唔到架 -

當你真係鐘意一個人既話, 你無論用幾多時間係佢身上都一定唔介意 -

就算你用左1年, 2年, 3年去了解一個人, 你會享受了解既過程, 一定唔會唔開心的 -

講出梨可能好難做得到, 世界上每個人既性格都唔一樣, 要點樣去了解佢, 當然要自己慢慢摸索一下 -

你唔介意既話, 更加可以同我地兩個分享一下架 -

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

今日, 又係魔鬼梨同大家講續集啦 -

琴日同大家分享左究竟自己有冇能力同靚仔靚女拍拖啦 -

今日就同大家講下點先算自己既理想情人啦 -

理想情人, 一定唔係要靚, 唔係要性感, 唔係要熱情 -

琴日都講左有關靚既問題啦, 今日多補充一點啦 -

外在美, 只係過眼雲煙, 呢一刻可能佢係好靚好型, 但係唔擔保以後都係 -

對男仔梨講, 女仔外表性感, 又識化妝扮靚, 已經就會迷上左佢地 -

對女仔梨講, 男仔外表要型, 又要高大威猛既, 要好大隻, 可以保護自己既 -

大家又去諗諗, 女仔性感, 可以維持幾耐呢? 可能一日, 可能一個月, 可能都有幾年 -

但係咁係咪代表幾年之後你就唔再鐘意人地 ? 你會同佢講分手 ?

男仔呢 ? 同女仔一樣, 型都唔維持得幾耐 -  男人更有中年發福既機會, 女仔們又要同佢講分手呀 ?

至於熱情呢個問題, 佢對你熱情就唔一定會鐘意你架 -

相反, 佢對你冷淡, 唔代表佢對你冇意思架 - 

呢個時候你就要開始觀察佢平時既一舉一動啦, 當然唔可以太過顯眼 -

「嘩, 你講就易囉, 又要觀察, 又要唔顯眼, 私家偵探咩? 」 你地可能會係咁諗 -

不過, 呢方面我都唔在行, 天使將會係遲D既日記之中教下大家架啦 =]

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

其實, 你要知道自己最鐘意既係邊個, 可以用以下幾個途徑去諗下啦 -

首先, 最普通, 亦都係最多人知道既, 你見到呢個人究竟會有咩反應 ?

對住佢, 你究竟會覺得係開心 ? 緊張 ? 心跳加速 ?

當你見到佢同其他男仔 女仔一齊, 你會有咩感覺 ? 心酸 ? 呷醋 ?!

大家要記住, 呷醋唔係代表你真係鐘意人地, 呷醋只係因為「吃不到的葡萄是酸的」 -

佢唔同你玩, 只係同第二個男仔玩, 你就會覺得佢唔多想理你咁, 所以先會出現「酸」呢種感覺 -

其次, 你又要知道自己同佢既興趣、生活方式、情緒啦 -

其實最主要都係生活方式, 每個人由拍拖既一刻開始就會想同情人一生一世 -

一生一世當然就會一齊生活, 你唔清楚佢生活方式, 點可以一齊得開心快樂 ?

你唔清楚佢既情緒, 你點樣可以係佢唔開心既時候關心下佢, 呵護下佢 ?

千祈唔好有一種諗法「宜家唔岩, 可以大家就下對方既姐」 -

冇錯, 遷就係一定要架啦, 但係一定唔可以就太多, 如果唔係雙方都會好辛苦 -

興趣, 只係俾你地一個話題, 唔會成日出街都DEAD AIR咋 -

最後, 你又要諗下你係佢心目中有咩地位 ?

呢個你冇理由走去問佢架嘛, 你一定要自己去接近佢多一D, 或者問下佢既朋友啦-

你自己都可以係平時既對話入面估計下 -

例如佢鐘意同你分享佢係屋企生活既一切啦, 佢鐘意同你講下同朋友之間既關係等等 -

咁既話, 你係佢心目中就係一個聆聽者, 佢對住你講, 會講得開心, 講得舒服 -

但係就唔一定代表佢鐘意你啦, 大家千千萬萬要記住呢一點 -

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

係拍拖之前, 了解既, 唔係佢鐘意咩生日禮物, 鐘意咩明星等等 -

係了解佢同你究竟係咪最合拍既, 你亦都要清楚佢可唔可以同佢共度難關 -

希望你地可以係拍拖之前就做好一切準備, 唔好等開始左先梨後悔 -

咁樣只會令到大家都傷心, 大家都浪費好多唔開心既時間係情人身上 -

拍拖 , 係為左自己有開開心心既生活, 為左可以一齊過五關斬六將, 唔係為左嗌交而拍拖架 -

記住啦, 天使好快就會同大家見面架啦, 耐心等等啦 -

今日既分享又完啦, 希望你地真係吸收到啦, 同埋好希望你地可以分享自己既意見啦 -

各位BLOG友們, 第一日就由我 魔鬼 為大家分享一下-

天使今日因為心情欠佳, 而且佢平時既生活比較忙碌, 可能會少左梨分享經過架-

不過, 大家唔好忽視佢既存在, 有咩事都可以搵佢傾架-

佢完完全全係一個受歡迎既「萬人迷」來的 - 佢可以分享既, 一定好多好多 -

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

今日既主題都好明顯啦, 係同大家分享下點樣可以搵到一個追求既對象-

以前既人都成日講架啦, 「人靠衣裝」嘛..

男仔呢, 揀女朋友既標準就係要樣靚, 身材正-

女仔呢, 男朋友要高大威猛, 有錢, 型仔-

當然, 呢D要求係冇錯, 每個人都想自己有個最Perfect既伴侶架啦-

但係, 大家又要試諗下, 同呢類型既人一齊, 其實都有D危險架-

第一, 靚仔 靚女 都屬於「瘋狂搶購型」, 就算佢有左(男/女)朋友, 但係依然會有人想撬長腳-

當你未同佢一齊既時候, 你要驚佢同第二個人一齊左-

你係一個「醋程」既話, 更加要擔心每日係佢身邊轉梨轉去既一班粉絲們-

就算, 你真係好彩, 同佢一齊左, 你又可唔可以忍受到呢一班狂蜂浪蝶呢?

第二, 好多人認為 靚仔 靚女 都係一D好高要求既人, 佢地都對自己既伴侶要求非常高-

事實又唔係咁既, 可能真係大部份人會覺得自己靚, 一定要搵返D門當戶對既, 一定要係屬於好靚好靚的-

雖然呢種人係多, 但係千萬唔好以偏概全呀- 

大部份, 唔代表係全部, 起碼係我認識既人入面唔會有呢種想法, 天使就係其中一個例子-

不過大家記得呀 ! 天使係我魔鬼架, 各位男仕, 唔好對佢有非必要既幻想啦 !!

第三, 你好好彩, 你搵到一個絕頂靚既伴侶, 但係呢個時候你又要考慮其他野啦-

如果你既樣貌唔係好好, 你終日提心吊膽, 又要驚有人搶你伴侶, 又要驚佢嫌棄你, 同你講分手-

終有一日你都會忍受唔住, 你會想盡辦法去鎖住佢 -

你鎖住人, 你辛苦之餘, 人地都係好辛苦架, 咁樣下去只會搞到分手收場囉-

既然一早就知道會有咁既下場, 當初又可必開始呢?

當然, 我唔係反對大家同靚仔靚女拍拖, 但係必須「帶心識人」-

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

「帶心識人」 -- 冇錯, 真係帶心 -

你要用心去感受一個人, 用心去感受佢既一舉一動, 了解左佢既一切先-

你地可能會覺得講就易, 做就難 -  係真架, 真係可以好難先做到呢一樣野 -

不過, 你就算冇起到佢低, 你起碼要知道佢鐘意食乜? 佢既行為舉止 -

相信大家都聽過「因了解而分手」, 真係有根有據架 !

經驗多多既我, 真係試過架啦, 根本係學校同係屋企係兩碼子的事 -

好多同學仔都會係學校發生戀情的, 唔係話唔好, 不過真係要了解 -

講真, 我同 天使 咁多年朋友, 要了解佢既全部真係好難, 我最多都係起左佢少少底咋 -

所以話, 了解一個人係好難的, 所以就話搵一個真心伴侶, 都係好難的 -

真係要搵一個既話, 最緊要既當然係時間, 要用好耐好耐去了解佢啦 -

希望大家都可以慢慢消化一下啦 - ^^ -

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

第一篇順利完成, 歡迎大家可以熱心討論 -

各位, 大家好 !

今日係我地兩個日記新開張既大日子。

好多謝各位抽空梨睇我地既日記 *

由呢一日開始, 我地兩個會竭盡所能, 為大家解決煩惱 !

雖然我地唔係最好, 但係我地有信心幫到你地 !

我地會將自己日常生活中發現既所有感情問題都同大家分享。

希望大家都可以相信我地, 一切既資料必定保密。

不過如果大家唔介意既, 我地好希望可以將各位既case分享俾唔同既人 !

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

其實天使同魔鬼, 都經歷過學生階段 -

知道有D感情事對住朋友反而唔可以講得出口。

特別係幾個男仔朋友之間, 傾既往往係打機, 打波 。

感情既野, 真係冇人可以同自己分享 。

希望大家可以熱心參與我地既討論。

當然唔單止係學生, 連投身社會既成年人, 都會有自己既煩惱-

什麼辦公室戀情, 我地係未經歷過, 「三個臭皮匠, 勝過一個諸葛亮」-

雖然未經歷過, 但係起碼從中得到經驗, 先可以令我地兩個成長得更快 -

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

各位朋友, 大家可以盡情抒發自己既情緒。

我地會努力做好聆聽者既工作, 亦都會為你地一齊面對煩惱。

不過, 唔好意思呀, 因為天使同魔鬼平日既工作都係幾繁忙-

唔可以時時刻刻都為大家分享感情路上既一點一滴-

不過, 我地可以作出承諾。

真的, 不論晴天, 陰天, 雨天, 我地會用盡空閒時間同大家傾訴。

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

我地兩個成立呢個BLOG, 主要係想各位可以多一個途徑搵人傾訴-

而且, 大家年齡又唔係差太遠, 之間起碼絕唔會有代溝-

當然, 我地兩個都有改善既空間, 希望可以籍住成立呢個BLOG-

我地兩個可以得到豐富經驗之餘, 又可以改善我地既不足-

天使 同 魔鬼, 在此絕對衷心感謝各位- 謝謝 - ^^ -

P.S. 魔鬼唔一定係邪惡的 (-3-)  <--  魔鬼字