好耐好耐都冇打過blog,唔知點解突然心血來潮想打番一篇

近來總是認為,自己嘅心情唔太開心,對事情亦拿不定主意

特別係在自己嘅升學前途問題上

其實,今次的大學聯招結果畢竟未如自己理想

見到身邊好多朋友都入到自己理想嘅學系,而自己就入唔到心宜嘅學科,難免會有啲唔開心

我應該為有大學學位而開心?我應該去外國升學?定係留低讀?我今日嘅決定對我將來嘅前途黎講啱唔啱?

呢啲問題一直都困擾住我

也許有人講得對：「沒有選擇的餘地就沒有煩惱」

有得煩係應該覺得自己幸福?定係我今天嘅煩惱係多餘?

也許我將來才能回答呢啲問題

只希望我今天作的決定是對的

願各位朋友一起為自己的前路努力奮鬥吧