今晚同媽咪去買嘢食嗰陣,去睇過D朱古力,我第一次整喔~~OF COURSE要認真D揀啦~就算整我唔好都有嘢搭救嘛~~我諗住打電話畀雞雞問佢朱古力有咩唔同意思架~~不過電話收唔到~我睇中咗隻87%黑朱古力&一隻係咖啡朱古力~因為之前有人送過嗰隻87%畀我,再加上我驚我整到唔知變成咩樣,嘻~~我都唔想食死人架~~諗住唔買住先,但係又好想買喔~最後又行返去揀,我諗到方法揀啦~~就係睇下邊隻more expensive,所以就擰咗咖啡朱古力喇~~嘻~~唔知我會整成點呢?再加上我都唔知整咩味好喔~~不過聽日仲要去買"模"~
希望到時整嗰陣真係唔會爆炸啦~~我唔想變keroro呀~~

今日訓到１１：４０ａｍ，起身ｌｕ．．．．好孩子係要早睡早起的∼嘻嘻~
起身之後,刷完牙之後洗頭,洗完頭之後想穩嘢食,不過返到房,張床同埋窗台7國咁亂,仲要一大半都係我的好母親既,所以就算想食嘢都唔可以食住先,執嘢呀~~唔使10分鐘就執到見得人喇~去穩嘢食,唔知點解明明琴晚話去買嘢食嗰個係我,但係買返來既嘢都係佢哋架咯~所以都係冇嘢食,沖個杯麵算,食咗一半,呀梁生打電話來,問我a-maths喔~講都我電話冇電,都唔知佢想點咯~之後就諗住做英文,見到就暈啦~~好似入咗隻雞"肚肚"入面咁~見到D雞腸,就......哎!!!!之後媽咪打電話返來嗌我同佢一齊去伯爺度,伯婆送咗盒好"SWEET"既樂嘉杏仁糖&皇上皇臘腸(廣州特產喔)~~去完之後去訂埋盆菜之後,我就返屋企喇~不過因為今日我冇嘜點食嘢,餓到我唔識行路喇~去聖安娜買咗一打西餅~食咗一件之後,好似舒服咗D啦~坐巴士返屋企~~食完飯之後洗碗,之後又同媽咪去惠康買嘢食,買埋朱古力~我睇緊D朱古力嗰陣,吖梁生又打電話來,因為收唔到,所以就教唔到佢喇~~買完之後見到出面有人係度包禮物,我去問佢請唔請人,因為我都想去包呀~但係好unlucky,琴日請咗啊~唔開心呀~~不過唔緊要喇~~因為我諗到要好早起身架~~返到屋企,又畀我親愛既母親大人襾住我間房咯~不過都唔算點霸住既~~佢一定要係我間房傾電話咯~~又要我聽歌較到最細聲,都唔知佢自己房係咪唔講得電話架~~不過唔緊要啦~~慣咗喇~~嘻~