今日訓到11點幾,畀雞雞殷打電話來吵醒~~之後諗住繼續訓~點知訓唔著~諗住等到11點59分先起身~點知雞雞十一個字打電話來話佢相信我已經畀佢吵醒喇~!!係,事實係咁,之後佢嗌我出旺角,講咗一陣之後,就應成佢去喇~~之後起身洗頭,吹乾D頭髮之後發覺好moster,所以就扎頭髮喇~~之後雞雞又問我得未~~最後,一點鐘左右,我食咗包多啦A夢夾心餅就出街喇~去到好冇聊咯,隻雞同我哋行咗一陣就話要返屋企~~真係好冇聊~~係咁行來行去~又鬼死咁多人喔~仲有搞到個智勇同小何成日都唔覺意踩我隻鞋咯~~不過honey仲*,踩甩我隻鞋~~嘻嘻~~唔緊要啦~but今日真係好冇聊下~!之後歸家,智勇同小何陪我行到新翠,陪埋我等媽咪~!之後我就同媽咪去影相喇~(簽台證要呀)...之後就返屋企食飯~~~!!!!聽日本來要去禾輋,但係媽咪話伯爺伯娘要返廣州~!所以就要過多幾日先去~應該要探埋姨婆咯~(佢好得意架).................

今日好早就醒咗~放到學校,見到"細妹"--潘生,嗌佢陪我上班房~行到差唔多四樓嗰陣,我好攰,所以行得好慢,唔知點解,小添突然係我後面出現~之後就換咗同佢一齊行返班房喇~!返到班房,對腳好痕呀~~應該係乾燥咯~所以就坐係最後面嗰度搽cream喇~好快就要落去開早會啦~!上英交堂嗰陣,miss chan chan發火呀~~鬧人呀~唔知點解我好似冇嘜feel咯~!之後好快講到lunch~~唔知點解,今日好唔想食嘢,所以斋飲咗支密瓜奶就算啦~!好似好肚添~~唔知咩事呢?好快又上完我最鐘意0既中文堂喇~今日冇嘢做,but我要等媽咪收工,去旅行社等佢~順便等埋雞雞~等......真係好冇聊咯~~不過好彩吖菇佢哋係度singing~同埋玩D唔知嘜嘢,咁都仲好D咯~後來冇聊到想訓覺~~又發覺好肚餓~~餓死我喇~~好漫長,不過到5點喇~~雞雞落來喇~佢同吖菇玩咗陣扯呔之後,我哋都走LU....佢陪我行到美心,之後,媽咪有D傻傻地,同雞雞講,話我哋三個係朋友!!(真係冇日正常咯)之後因為爸B煮飯呀~就唔食快餐喇~行咗去火車站嗰間美心,買咗件好MINI蛋糕,之後雞雞話要走先啦~我就同媽咪去咗康泰,報名去旅行~~嘻嘻~~最後,我哋decide要初七先去,因為唔單止可能平千幾蚊,我同媽咪返大陸拜完年之後,又唔使趕住返來,所以就請兩日假,完成我0既台灣之旅~~好多嘢食架~~嘻嘻~太好啦~~
返到屋企之後,又發覺收到我老公條瓜封信咯~~佢0既意思好似話佢買咗件衫送畀大聰聰喔~~仲話要嫁畀大聰聰咯~~哎~佢真係好.......咯~我都唔知講咩好~之前先話厄one week stand,又話鐘意有婦之夫,而家又係嫁返畀大聰聰~希望佢好好珍惜啦~~唔好好似以前咁~嗯嗯~~我要寫信畀佢啦~~!!今晚仲要聽麥sir~~!!