因為有D事，因為Maya7.0用唔到，所以我要去旺角換，明知會考都要去。

個死妹包唔記得煮中午比我，落左2個人份量的米。

去到旺角，當然等的時間去左打機。

打灣岸2，日日同S級打，我估我有進步，新之城果D絕對唔係Copy卡，因為佢地成班係識+煲，次次都係包尾/第三，連17.4km都拎緊第一(過完橋)，但最後一個紅彎，不過我唔放心轉得太入彎心，結果比人插，插到撞牆，即刻變番第4，。

跟住2點，XX的，海關掃蕩，再打機。

打The Dead of House 4，勁僧D人唔識打又入錢同我一齊打，問都唔問下我，整到我次次死在第二關(我一個人打可以到電車男果度)， 除左一個鬼佬問可唔可以一齊玩之外(當然話無問題，劉德華教MA)。

2點半，拎到碟。

即刻走去食夏雪，例牌軟瞉蟹炒飯+凍奶茶多奶(因為咁會甜D)。

食完都三時多，去旺電行下，唔知我讀完course之後D招聘告示還在嗎?

 跟住大碌，5:00啦，即刻飛去油麻地(去7仔自由斟)，順便去3G間野拎左本月刊。

跟住即刻mtr到灣仔，仲有十五分鐘，去香港華仁考，因為在VE的IVE附近所以直上去便行，跟住過完天橋，奪命斜，上完成身汗，去左報到，SHIT，今年係最尾果組，得3個人考，ROLE PLAY易過借火，應該拎到9成分。Discussion，我一開始就死左，條題簡單，我想想下忘記左A DAY，離左題，不過有一個中五生慘，仲要講I agree with you，定一定左神就績極咁講，冇咩打交情況，做咁考完連sum up都冇。

走果同一個同我一齊考的中六文科生一齊行，個女仔唔多開心，因為佢冇咩POINT，去到電車站佢就搭電車，咁我去左灣仔電腦廣場，買左支清潔劑$40，咁做返屋企。

勁黑仔，第一次離題，考左3年都冇，唉，冇心機。