半月內返了司馬兩次，處理一下家鄉事務，真得辛苦。

GOOD:味千拉麵好平18元人仔, BB好可愛

BAD:睡的不太好, 要我返去趨(長途電話都唔得)

去到深圳，當然選擇我的最愛交通工具--火車。

加速後又加價，不過加5元人仔。不過坐新車和諧號，快到小小驚，差不多180km/h。

廁所以前直接去路軌的設計所以一埋站就冇廁所去，現在吸的設計，不過清潔程度就麻麻。

去到常平，時間接近7時，過馬路=入虎口，竟然冇交通燈。

去行左一陣間萬寧，人手比香港還小，得兩丁，又無漂白水賣。

根住食野問題，得兩間選擇，味千同真功夫。

真功夫的野食，我比2分/10分，份量不夠，又難吃，服務又差。

結果都係要去味千。味千竟然冇冷氣 ，叫了一拉麵吃，有冇搞錯，廣東省的分店職員不懂廣東話，要我指圖，分明有問題。

服務態度好，雖然我食18元人仔，但係服務一流，雖然溝通唔太好(要我講普通話)，但係最後我都比張20元人仔，跟住走。(當然不是貼士咁簡單，原因係人仔的一元多數都像...)

跟住去搭公汽返去司馬，過車頭貼住往司馬一定冇死，點知都係衰左。因為有2部車，一部係去全司馬，包埋過橋後的三條村，馬圍、麥美坊、周遼，好記性都知我講過我係馬圍。結果我上錯16路車，部車去到司馬假日酒店做掉頭，心中想，如果未食晚飯做好，可以去假日酒店飲茶，跟住唯有企定定等2號車，依部車以周遼(最遠的村)為掉頭點。

阿紙叫我同佢的舊同學同我係同鄉，一齊返。如果一齊返我做瘀死，佢住假日酒店左近，所以佢點都無搭錯車的機會。

待續...