好似好耐冇打過一篇字數多的日記，今日打番一篇長D的日記先。
晨早大約十時起身，因為要交第二期學費，好彩東亞銀行附近新都城有一間，跟住去左東亞ATM支錢。今日鬼死咁多人排隊，排排下，見到一個幾似中五同學石慧恩，她排在我前數個，經住互望，不過最後大家都係無出聲。我驚認錯人，因為女大十八變，萬一認錯人咪好瘀。
入完錢都大約十二時，返屋企煮左4個米粉嚟食，倒左大半包公仔味精落去，同埋4條蟹柳。正當我想開DVD機播戲送粉時，XYZ佢部DVD機壞左，經住唯有用Laptop睇。食完之後趕一趕Project — 商用網頁。
經住搭車出去旺角，因為約左阿紙14:30，我出到去14:15，經住跑去同人傾Project，點知條西洋菜街咁多人，不過去到發現佢冇返工。跟住打比阿紙，佢話佢食緊野，又衰多口講錯野，講到好似佢唔同我一齊LUNCH，但係其實我想講早知一齊食。
正當我打算掃街時，阿紙叫埋我去食野。去到見到阿紙同埋佢的女同事，好似姓陳。估到佢會叫我估年齡相關ge野，不過我今次醒目，遊下花園，死都係講大1年。不過講真，兩個都咁清秀，踏邊個都死。順帶一題，阿紙好似有小小變左樣。(唔知係唔係我眼花，因為今日真係好眼訓，無精神，下次會訓醒先出街)不過避到一次，但無咁好彩，一樣衰左多口。話說阿紙話自己16歲，我多口講多一句，上年又16歲，應該進化左。跟住果個畫面領我感覺阿紙似2-5歲的小朋友，同佢同事講我蝦佢，"扮"詐嬌"掛"。同我今年同學嘉嘉講佢教果班小朋友差不多，做埋D令人發笑的行為。
又講我食8碗飯果D大食野出嚟做話題，我又食左一個雪菜肉絲面，不過今次食得慢過阿紙。
食完後以為自己有一包開左的紙巾，搵嚟搵去，原來星期五唱K已經用埋最後一張。
經住陪她們去睇電腦laptop，估不到嫌Stamp的太厚，經住睇左ASUS 1.4KG 12"LCD的laptop，不過價錢好似貴D。我其實都唔知今日做得好唔好，有冇太快走?因為我想比佢地諗清楚先買，Sales把口好勁。不過買laptop最緊要買果時搵識的人去睇一睇部機，同埋講價。
佢地最終要考慮，佢地返公司，我去新之城打機，估唔到灣岸太耐冇操，唔識轉彎。
最終行到悶，搭MTR返屋企，又由油麻地訓到調景嶺。
最後在新都城正字買左一套DVD猛鬼佛跳牆，返屋企。
屋企成個雪房一樣，著都機械人咁厚。
經住拎錢入八達通，同落街買運動褲作睡褲，bluestar有一條$59正合我心意，不過冇我果個碼，要我買$109果款，貴$50即刻冇興趣，因為冇諗過出街著。
跟住睇埋猛鬼佛跳牆，唔算太horror。
今日名言: 女人心，海底針，XYZ佢，搞唔掂。
|
