11:00起身打比Roy少，跟住做埋份8051 Clock And Timer先，用Unstandard C寫，真係好煩。

正打算Send個8051返學校時，Dennis打嚟，原來佢去到寶琳站，跟住搞好左，落到去發現Roy同Dennis到左，仲未見Joe。

今日應碧姑肥牛邀請，去佢地頭飲茶，即係佢返工果度 — 荔枝角，今日有 阿碧、阿枝、婷婷、阿紙、Dennis、Roy、Joe 出席。

原來我唔記得話比婷婷同阿紙邊度等，淨係講左時間同荔枝角。去到長沙灣時，婷婷同阿紙都到左，打嚟問我邊個出口，我都答唔到因為我都唔知，跟住唯有叫佢地等我地到左先算。

我地到左之後，聚集在恆生附近。跟住阿紙問我跟住點做、想去開位先，我都係打唔到比阿碧。我唔記得阿紙唔太得閒，所以用較急的語氣問我，但係我心中不太服氣(我唔想GA，都唔係我錯)，表現出很無奈，所以要講聲對唔住，不過過左太約幾秒醒起，跟住即係無野。

阿枝到埋，終於到阿碧啦，Dennis帶我地遊花園，行錯方向，跟住上到去見到碧姑啦。

碧姑同阿枝越行越快，我跟住尾，見到其他人落後左好多，跟住上去叫碧姑行慢D，點知佢同我講，佢條裙做嚟"瀝"，即時打晒問號，碧姑做過D咩嚟。

跟住去到，幫手洗餐具，阿紙同婷婷研究徐子淇單新聞，原來同名都係三分親。

跟食野，碧姑推薦一款包，味道不錯。今日又半場搞gag了。

阿紙走先因為要返工。

婷婷話眼訓，食完即走。

跟住落左機舖打機，今日灣岸麻麻地，拎過一次第一咋，其餘Joe包辦。我拎左一次包尾，所以阿roy得一次唔係包尾。玩左咁耐灣岸，我都係太緊張跟住手震，一係Hi邊一係做cut線位cut得唔夠盡比阿Joe過走。除左玩MT2外，仲玩左鼓機、高達(比阿碧大獲全勝)。

跟住去打桌球，阿碧打走陣，跟住要走先，跟住我同阿枝一隊打，打得好差，第一次打係咁ga la，同阿枝一隊時入左一粒紅ball。

阿枝又走啦，跟住3個人玩，我入得最小，入得一粒紅ball。

打一百多元，返覺已7點，所以走先，而Roy Dennis Joe則落旺角。

總括而言，好開心。