今日考左Maths & Stats，感覺上會合格的，因為全部做過，唔識都撞埋。

仲有星期一要考digital communication。

今朝早09:20到左葵芳，結果大排長龍，據舊同學話三年都未見過咁長，結果我同佢去搭的士。

的士一嚟嚟六七部，上到的士已9:30，已開考了，搭左$24。

到左學校仲要上department睇邊度考。

去到即刻考。

考完 我與 嘉嘉 John 阿中 dennis 這幾個同學去食好好粥麵，點解依間好好無炒野食ge，都唔同連理街果間。

食完之後，撞到Macro佢地。

跟住打左去1083，問奧海城II期的bowling場電話問價，跟住一行7人去打bowling。

開左兩條line，1個鐘，$140@，仲有4杯野飲，我唔記得剪指甲，反甲，好痛。

下次約埋朱記D舊同學去玩先。

跟住由奧海行番旺角，John dennis先後走先，我地最終落左機舖打機，打左兩舖車都輸比阿中，兩次都好唔扺，輸小小，最唔扺係OutRun由頭帶到尾都係我選路，點知最尾先撞到七彩。

 跟住同嘉嘉打槍game，con左一次機。

打打下又走剩我 中 嘉嘉，打埋之後，我地周圍去。

嘉喜買左杯雪杯食，我見到賣相唔想食，跟住行到家樂果間7仔，買左$7燒賣。

食完之後，嘉嘉話肚餓食野，去左買臭豆腐食，我依個大胃王都肚餓，但唔知點解無食，我食得臭豆腐ga。

跟住嘉嘉買完之後，我先記起，我曾經買過果檔的臭豆腐係完全難食，仲問阿紙同JASON佢地食唔食因為我買左兩塊。

跟住同嘉嘉講番，比佢插........最後食撈麵算。

嘉嘉食米田共波板糖，我...........

跟住大家散左之後，自己行左旺電同星際。

跟住返屋企。

22 -  28 I am free, and waiting for you !!!