首先~今朝考左history同reading comprehension.
歷史都冇乜野好講..只係有d無奈姐....日治時期一題都冇出過
跟住我約左我阿媽去家鄉雞~
點知仲未有果d lunch set
我阿媽就話出左去旺角報團先..
跟住我地就搭左68x去旺角....
係搭車既途中~我同佢講今日份卷乜野冇出過....
佢就同我講:因為d老師通常都好早出卷....個老師又唔知未教而要教果d教唔教得哂
或者會教成點..所以越後教既野就會出得越少......原來係咁囉..早知後面果D唔溫咁熟啦
跟住我地去左雅蘭中心間現代(中國)旅行社報名..我阿媽同阿爸去北彊15日~團費兩個夾埋二萬八千蚊左右啦
報完之後我地去左小肥羊食野..因為我地以前未食過...又少出旺角...
其中一樣點心係生煎羊柳...一食落去...我初初既感覺都覺得ok..幾好味..但係硬係覺得有d唔同
跟住我阿媽一食落去就話, "咦?咁似雞柳既?一d羶味都冇?...真係笑爆我個嘴...不過食食下又真係好似雞柳喎..哈哈..
跟住食完我地去左波鞋街...搵下有冇我而家用緊果隻shark(網球拍)..因為真係好好打..我阿媽用我塊板用到連佢自己原本果塊都用唔到..俾佢激死.....
跟住我地行左幾間都冇..行過對面馬路..入左一間鋪
搵到隻shark..點知同4年前一樣減得果幾十蚊.仲要1100...相反新出冇幾耐果隻speed port就1250囉..平到爆
我叫我個阿sir幫我買都要千七蚊啦起碼..佢呢度賣1250囉..仲要送埋線同送多頂帽囉
不過好搞野...紅色就1250...藍色就1295..銀色就1365囉..最後就買左藍色果隻
跟住落到去俾錢我同我阿媽先發現原來呢間又係允記...唔怪得知d制服咁熟面口
我都完全諗唔到係允記囉..因為之前係對面先有間允記..真係離奇..一條街可以有3,4間囉
跟住搭番68x番元朗..去左元貿間中旅社又報團...今次就我同我阿媽
下個禮拜六去長隆水上樂園玩...話係全亞洲最大既水上樂園喎.....兩天團...
果晚話咩住係呢個中山國際大酒店...聽落個名幾high...
報完又去左買生果.. 不過冇我阿媽要既楊梅..所以冇買到野..
跟住又走入大橋街市...我阿媽話想食蟹...
跟住我阿媽睇緊蟹既時候超搞笑囉...對面間魚鋪個士頭婆岩岩拎左條盲曹出黎叫賣啦..
跟住條盲曹無斷斷"彈"左落地...個女人就撿番起佢啦...擺番好佢又"彈"...
跟住個女人有少少嬲囉...係度罵條魚...你都盲架啦..仲彈乜鬼彈姐..死盲曹..我真係好想笑..
個女人擺番條魚上去之後條野又再彈過...今次仲搞到執邊果條都彈埋..結果兩條都彈左落地...我忍唔住笑左幾聲...
買完蟹之後就真係番屋企.....今日既旅程就完lu..真係好攰囉...呵呵 |
