尋日禮拜6,朝早放左補習,即刻9秒9衝返屋企換3再9秒9衝去

石離31m巴士站搭車,同唐唐,tony,解哥去,一入場,迫到爆....陰公....

擾攘左一陣先入到場,去到d賣刀既檔口,見到把草薙劍80蚊,未格價

就買左,買完去第檔,見到個檔100蚊,但係靚好多,即時後悔哂,hea下

hea下都4點,去BANDAI個大台睇高達30周年問答比賽,本黎霸左頭位,

睇得好地地,直到有個gamegirl出左黎就大檸樂,原本個gamegirl

只係『蠍』分牌,點知勁多痳甩佬迫哂出黎影相,個gamegirl比人影到

連分牌都唔記得『蠍』,後尾愈黎愈多痳甩佬迫出黎影相,明明霸頭位

都比人迫到咩咁....勁不爽,gamegirl行開啦!之後走人唔睇,去搵地方坐,

坐左陣,諗過度過,終於的起心肝買套曉既杉同草帽玩下,好鬼死貴,相後補,

之後去左大台等睇中川長子, 中川7點半先出場,咪等下囉,哇,點知做緊

咩咩青年音樂制,d band 既主音有幾隊係亂嗌,或者我唔識欣賞,搞搞搞,

d隊伍表演哂之後,司儀話要等評分5分鍾,中川同Soler就出黎啦,點知

無啦啦彈多隊band出黎『表演』,下下都話最後一首,下下都繼續唱,

搞到全場狂噓佢,等到腳都都斷,之後soler8點終於出場>3<唱風的季節,爽,不過d人為

左睇中川而癲左,係咁嗌,嗌埋謝安琪個名(?),我個人覺得soler真係好正,

唱風的季節,之後都唱左幾首歌,比d為左睇中川既人噓,陰公....好在佢地

唱咀香園緩和左d氣氛,後尾中川終於出黎,陰公,等左咁耐,中出出黎,咩

腳痛完全唔記得哂,後尾佢唱左幾首歌,9點幾就收工走人,我地都去閃人食飯lu

<鼬