哈哈,又好耐都無上QOOZA,

咁點解今日又會上呢?

就係因為我突然醒起我有首歌好想聽,但又唔記得左歌名,

於是上返QOOZA搵自己以前貼過既歌(次次都係因為呢個原因上返)

又睇返以前既BLOG,

開呢個BLOG既時候係中二,呢家已經係中五,

唔經唔覺又幾年,好掛住以前中二,三既日子,

果陣仲未選科,低F果陣真係好開心,仲記得VA堂同vincent一齊玩,無休無慮

3B上堂時的情境,果陣既我仲未知道黎緊會發生咩事

升中四後,入左去新一班,有好大轉變,識左好多新朋友,

同時亦開始有好多煩惱,好感觸,中文差,唔識形容

人大左,好多挑戰等緊我地,但我依然無成長到,甚至比以前做得更加差

我既上進心已經比豺狼咬左去,力不從心

DSE DSE,唔經唔覺已經迫到愈黎愈近

不過唔緊要,我相信橋到船頭自然直,

驚天怕地唔係我既風格：）

期待下次我又會幾時心血來潮開返個BLOG,睇下自己寫過咩

係WO!唔記得放返我搵果隻歌出黎添!↓