好耐已經冇打日記了，真係懶得打，如果唔係之前我唔記得左個密碼都可能仲打緊既。
圖書館打日記真係第一次咁大膽炸……琴日我真係好大膽，我阿爸罵我，我竟然唔理佢成日呀，
佢諗住入我間房，但係我聽到佢同我阿媽講話我驚佢罵我，於是阿媽就係門外叫我早ｄ訓，
點知我只係嗯左一聲就，阿媽就走左喇。
其實我都真係幾嬲阿爸嫁，我琴日開ｍｓｎ同同學傾下野，點知佢罵我，搞到我好嬲，
同ｄ同學傾下ｍｓｎ都要比佢罵，佢罵我唔係問題，佢日日都唔知點解發神經罵我嫁啦，
但係佢今次阻住我同ｄ老友鬼鬼既同學傾，搞到我要好快咁ｏｆｆ左個ｍｓｎ佢，
同同學傾下野都只係想輕鬆下姐，輕鬆一陣都要比阿爸佢罵，真係好嬲好嬲好嬲。
唔知各位又有冇真係嬲過你阿爸阿媽呢，真係好想知道呀。
|
