今日睇爸爸閉翳都覺得蒙家慧幾慘!!!知道個男朋友有第二個咪算囉!!!仲要俾佢親眼見到!!!親眼見到都算啦!!!仲要見到佢地kissing!!!甘都算啦!!!仲要大埋肚加無埋份工呢下先死!!!個B要又唔係唔要又唔係!!!最離譜既就係俾條友講兩句就已經氹返!!!邊有可以甘架!!!唉!!!女人有時都真係幾唔理智既!!!好在佢最後都清醒返!!!

      而家睇終極一家好似越來越無咩意思!!!終極一班好睇好多好多!!!忍唔住睇返終極一班!!!亞瑟王真係真係好吸引!!!雖然佢對眼唔係眼大大果種!!!但係硬係覺得佢對眼好靚!!!好似~~~ ~~~唔識講!!!總之就好吸引啦!!!佢笑果陣真係好靚仔啊!!!但係又唔可以用靚仔來形容!!!總之就係我唔識形容!!!雖然佢係終極一家入邊既造型唔多討好!!!不過我依然都好期待佢出場!!!都唔知要去到幾多集先出!!!如果唔係為左睇佢我都唔會日日追睇終極一家!!!現實中既佢又點睇都唔覺佢有咩特別靚!!!都幾奇怪下!!!

      無打日記唔係好耐者!!!D野變曬樣都唔知添!!!嚇左一跳!!!雖然呢個暑假要補課!!!都未正式放過一日!!!但係我依然都係覺得好頹廢!!!一返到屋企就咩都唔想做!!!話時話!!!呢個暑假都無咩點做過野!!!連功課都未做過!!!更加唔好話溫書啦!!!睇到本phy既封面就已經想訓啦!!!唉!!!始終都係佢唔識我時我又唔識佢!!!無計!!!無興趣同有興趣真係差好遠!!!就好係maths甘!!!雖然佢好難!!!但係我都有心想去搞識佢!!!仲有半年就考AL啦!!!到時都唔知點!!!胸無半點墨就話要考試!!!真係笑話!!!

      之前睇完終極一班!!!笑到個口都大左幾mm!!!而家出左終極一家!!!自不然追住睇!!!仲要係一日一集甘追住睇!!!幾辛苦啊!!!而家睇到第五集係甘講D家事!!!開始有點兒悶!!!但係都未到我最愛既亞瑟王出現!!!終極一班入邊既佢真係好好好好好型仔啊!!!雖然終極一家入邊既佢唔同左樣!!!但係我都好期待佢出現啊!!!話時話!!!之前睇雜誌果陣都覺得佢係飛輪海果四個入邊最樣衰果個!!!但係係終極一班入邊佢就好似變左另一個人甘!!!真係好好好好好型仔!!!都唔明點解會有甘大分別既!!!亞瑟王就甘靚仔!!!但係辰亦儒就~~~ ~~~!!!總之就係兩個人啦!!!

      今日都係無出過去!!!做左一條數之後就放棄啦!!!之後就睇電視!!!睇我最愛既中國女排!!!中國先贏兩局!!!以為一定贏啦!!!點知俾波蘭連追三局仲贏埋!!!頂!!!甘都會輸!!!對波蘭都輸!!!係咪"渣'到甘啊!!!睇到我都唔想睇!!!唉!!!不可思議!!!

      夜晚睇港男!!!真係件件極品!!!特別係九同十二號!!!真係極品中既極品!!!睇到都起雞皮!!!一開始就話六號同七號會係冠軍!!!點知最後俾兩個樣衰既贏左!!!以為輸曬啦!!!點知仲有個什麼復活戰!!!俾個七號贏返真正既冠軍!!!真係峰迴路轉!!!

      好想俾D心機溫下書!!!但係就硬係提唔起勁!!!泄曬氣甘!!!唉!!!

      今朝橫風橫雨都要返去幫手收生!!!眼見D人真係好慘!!!呢個世界根本就係睇分做人既!!!D人神甘早就已經來排隊!!!我八點返到去D人已經坐曬係度等面試!!!一返到去就拎D報名表去排次序!!!幾早來都好都係睇分!!!真係好現實!!!好殘忍!!!同分果D仲更加唔公平!!!睇樣收!!!靚仔靚女有優先!!!有一個13分既男仔!!!睇個樣唔錯!!!所以就係第一個!!!點知入返去個課室見到果條友!!!簡直差天共地!!!即刻"做野"!!!放左個女仔第一!!!唔係因為佢靚!!!只係因為佢有人介紹!!!呢個又係唔公平!!!果個男仔最後都無收到!!!因為一個小過!!!甘就無左個機會!!!之後果D!!!以我所見就無靚仔啦!!!極品既就有幾個!!!D女仔就更加唔使講啦!!!極品中既極品!!!不過D男仔就話有個女仔幾靚!!!畢竟男仔同女仔既審美標準都唔同!!!最多既都係睇分既!!!10分以下既都無機!!!即刻叫人走!!!好殘忍!!!甘殘忍既野我做唔出!!!屈左易楚去做!!!佩服!!!佩服!!!最尾個9分既死好命!!!佢係最後一個來!!!加上無咩人讀maths!!!而甘岩佢又話想修呢科!!!原本都話唔收佢架啦!!!不過見都係最後一個!!!收埋佢既話就收得工!!!我就好好心地幫左佢一把!!!吳國安見佢兩科maths都有D!!!所以就收左佢!!!唔多唔少佢都要多謝我!!!如果我都打發佢走既話甘佢就玩完啦!!!

      睇住吳國安簽名收左佢之後就執野走!!!諗住食左野之後就去補習!!!同易楚去左西九食壽司!!!食到勁飽!!!正想離座走果陣細佬打來話掛左八號風球!!!唔使去補習!!!甘就歸家啦!!!阿爸又打來叫我去街市買菜返!!!同易楚去街市買!!!條友都唔使磅既!!!是但裝一袋就話一斤!!!反正我都唔識!!!買完就走!!!叫易楚一齊搭地鐵佢又唔肯!!!同佢行左去巴士站見到條隊望唔到龍尾!!!即刻走左去搭地鐵!!!易楚就自己去搭巴士!!!入到去地鐵站勁多人!!!第一班上唔到!!!諗住打俾易楚睇佢上唔上到車!!!點知又打唔通!!!下一班車來左就係甘塞左入去!!!激多人!!!有兩個"加拿大"正面對住我!!!後面又有個逼住我!!!隔離又有個對住我!!!勁痛苦囉!!!原來一個人逼地鐵係甘痛苦既一件事!!!正當此時電話響!!!好辛苦先拎個電話出來!!!一個唔識既電話號碼!!!原來係易楚!!!佢唔見左部電話!!!係人地鋪頭打來!!!唉!!!都唔知點話佢好!!!成日都話佢!!!叫佢唔好露條電話繩出來!!!唔係俾人偷左電話都唔知咩事!!!今朝返去先又同佢講過!!!佢又係都唔聽!!!結果搞到而家甘!!!唉!!!愛莫能助!!!佢都幾黑仔!!!

      幾經辛苦終於逼完地鐵!!!點知轉巴士果陣仲誇張!!!未出青衣城已經見到有好多人排隊!!!仲以為咩事!!!行出去先知原來248M既龍尾去到青衣城門口!!!未免太誇張啦瓜!!!超勁激多人排隊囉!!!三架巴士上到full曬都上唔曬D人!!!甘既場面都係第一次見!!!唔係親眼見到都唔信!!!短短既路程竟然用左成個幾兩個鐘!!!八號風球果然係非同小可!!!

      呢排都無心情打日記!!!有時間都想訓覺!!!之前事無大小都想打返篇日記!!!呢幾日都無呢種衝動!!!唔係因為無事發生!!!只係失去左打日記既衝勁!!!

      呢幾日最好既就係見返兩年無見但有通電話既fd!!!三條友去行街!!!三個都唔同類既衣著!!!佢變左好多!!!身材都正左好多!!!lady左好多!!!如果係街見到佢既話我唔會一眼就認得佢!!!出左來做野既人真係會變左好多!!!不過講真!!!我地雖然好耐無見!!!不過友情依然甘深厚!!!真係好難得!!!而呢幾日最糟既事就係同阿爸嘈!!!話說我做緊功課!!!計極條數都唔岩已經好燥啦!!!阿爸係度睇電視校到勁大聲!!!我好聲好氣甘叫佢校細聲少少!!!佢竟然發曬火甘鬧我!!!"使唔使熄埋電視俾你做啊???~~~ ~~~"嘩!!!呢D咩道理啊???我有做錯咩先!!!我無同佢嘈!!!不過無啦啦俾人鬧喔!!!仲要係錯不在我!!!係人都有火啦!!!我就好嬲甘走左入房閂埋門!!!之後阿媽仲要鬧我對阿爸發脾氣!!!我完全唔知我有咩錯囉!!!錯就錯在一開始唔係房做功課!!!甘我都係因為個廳大風D先出去做者!!!而且我都係好聲好氣甘叫佢校細聲少少者!!!又無叫佢熄左電視佢!!!我完全唔知我有咩錯!!!阿爸永遠是對的???要面都唔係甘啦!!!有時認下錯都唔會話無面瓜!!!阿爸就唔會錯既咩!!!唉!!!做人仔女甚艱難啊!!!點解咩都係我錯曬???

      maymay去台灣既手信真係好搞笑!!!哈哈哈哈哈哈~~~~~~~~~~~~~~~~~~~~~~~~~~~~~~~~~~~~~~~