終於都叫做考完英文啦!!!仲有oral!!!不過都已經鬆左好多!!!唔使甘緊張!!!雖然係甘!!!不過我D功課都係未做!!!好在聽日有一日假放下!!!唔係又唔知點好啦!!!有D唔識控制自己既時間!!!好茫然!!!好似每日都係無所事事甘!!!唉!!!點先可以提得起勁啊???

      聽日要去考CE既英文啦!!!雖然已經唔係第一次入試場!!!但係依然都係好緊張!!!可能都係因為已經唔係第一次入試場!!!所以想考得好D!!!越係甘諗就越係驚!!!好驚比之前仲要衰!!!之前已經衰到貼地架啦!!!如果仲要衰既話我驚自己都接受唔到!!!點都好啦!!!雖然無咩準備!!!聽日都要考好D!!!自求多福啦!!!

      今日原本諗住下午果兩堂英文唔使上!!!甘就可以唔使默書!!!所以個個都無溫!!!點知佢一句話原本下午個活動改左聽日!!!全班叫苦連天!!!食左lunch之後個個諗點出貓!!!齊齊攞紙抄定!!!都未見過我地班既人甘齊心去做一件事!!!幾經辛苦終於抄好!!!上英文堂果陣個個個樣都累到咩甘!!!個個都想訓!!!一聽到佢話因為要做戲俾校長睇所以改期先默!!!個個精神為之一振!!!連我都醒曬!!!幾誇張啊!!!都唔知係甘岩定咩!!!次次下午上英文堂我都好眼訓!!!返屋企一定要訓陣先有精神做野!!!今日一返到來一訓就訓到六點幾啦!!!洗曬我D時間!!!搞到我咩都無做過!!!聽日又測驗啦!!!都唔知點算!!!唉!!!D野真係做唔曬啊!!!只要過左呢個星期!!!甘我既生活應該暫時性會好返D!!!

      今日訓到十點幾先醒!!!訓係張床度諗定今日要做咩!!!諗得好完美!!!點知阿爸出左去!!!我同細佬唯有出去食!!!點知岩岩上車果陣阿爸打來話阿媽叫去好彩飲茶!!!所以就轉乘地鑯出去!!!飲完茶去左街市行左陣!!!返到來已經四點左右!!!之後同易楚玩左陣!!!阿媽就叫我地做功課!!!我睇左唔夠半個鐘書就已經放棄啦!!!事實真係有好多功課要做!!!星期五又要去考試!!!都唔知點算好!!!唉!!!如果今日真係做到今朝諗既甘好既話就好啦!!!可惜最後都係一樣都未做過!!!聽日又返學啦!!!D時間真係過得好快好快!!!

      今日放學同易楚 .William同Michel特登去左青衣城既麥記吹水!!!只係為左飲杯coffee!!!去到果度叫左杯Cappuccino!!!味道都算唔錯!!!飲飽食醉之後就開始吹水!!!講講下講到人名!!!易楚"姓蔡名扣玉既女仔同個姓梅既人結左婚就變'梅菜扣肉' "!!!當時聽左唔知點解甘好笑!!!笑到我眼淚都出埋!!!講講下甘就五點半啦!!!執野走人!!!

      返到屋企阿媽話大姨同姨丈過來食飯!!!佢地係都要睇亞視!!!搞到我今晚都無得睇電視!!!最好睇果D竟然無得睇!!!勁無癮!!!今晚都係早D訓!!!聽日先埋頭苦幹啦!!!唉!!!無時間啦!!!呢個星期要做既野太多啦!!!排山倒海甘來!!!就來頂唔順啦!!!