今日返學差D遲到!!!七點四先出門口!!!落車差唔多搭十一!!!所以就逼於無奈要細佬自己行返學校!!!好在返到學校岩岩好搭一!!!但係又未打鐘喔!!!其實搭三返到都未遲!!!唉!!!搞到我趕到身水身汗!!!好無奈甘過禮堂聽左一個鐘耶穌之後又返到課室繼續坐!!!食飯果陣見第一日返學放lunch!!!就去強記豪一次甘大把啦!!!自從霍亂同美蓮走左之後都無去過果間野啦!!!講講下都已經係一年前既事!!!今日再去!!!景物依舊!!!人面全非!!!大家都各散東西啦!!!都唔知幾時先再有相聚既一日!!!諗返起都幾感觸下!!!人生就係甘無奈!!!聚完就散!!!散完再聚!!!唉!!!無奈先叫人生???好耐都無試過食到甘飽啦!!!成碟飯食曬真係好少有!!!放左學上左去探成成!!!真係好得意啊!!!玩左陣我要走果陣佢又喊!!!都幾唔忍心下!!!之後就同婷姐出左旺角買書!!!暫時都算係買齊啦!!!勁重!!!個膊頭好痛!!!返到屋企食飽飯坐係度果陣唔知點解突然情緒低落!!!好似好多野煩甘!!!嘆句無奈!!!

       今朝出青衣城飲茶!!!照舊等左成粒鐘先有位!!!飲完茶就同媽媽出左旺角買書!!!不過都買唔齊!!!行左陣就又返返去青衣城會合成成佢地!!!跟住諗住搭車返屋企!!!點知佢地心血來潮!!!話要行路返!!!於是一行八人就甘就行路返!!!就係為左每人慳返果三蚊幾!!!行到身水身汗!!!返到屋企食飽飯之後又打麻雀!!!又贏左一百蚊!!!哈哈!!!臨返學前都俾我贏錢!!!勁啊!!!收拾心情!!!聽日返學!!!

       今日阿嬸同成成都過左來!!!食左飯之後就開始打麻雀!!!成日打搞到我而家好似覺得好無聊甘!!!都無咩心機打!!!不過甘都有幾十蚊贏喔!!!而家玩玩下連細佬都學識埋!!!岩岩夜晚細佬叫我地打!!!一家四口玩都係第一次!!!唉!!!開學啦!!甘既機會都唔知幾時先再有!!!

       今朝晨早六點阿爸就來叫我起床!!!捱到搭三終於都係俾佢叫左起床!!!去刷完牙又坐係沙發度訓!!!唔夠五分鐘又話食早餐啦!!!甘早起床真係好眼訓!!!對眼好唔舒服!!!好似睜唔開甘!!!七點就俾阿爸係甘催出門口!!!又"魔"到七點幾先出!!!去到長沙灣先搭八!!!同細佬慢行返去佢學校!!!送佢到學校門口!!!叫細佬陪我企到八點先入去!!!之後就一個人慢遊返學校!!!熱到唔識形容!!!點知上到去仲唔可以入課室!!!要係操場排隊!!!果種滋味真係~~~ ~~~跟住又上左禮堂聽佢地講耶穌!!!講完先可以返課室!!!返到去點知剩返最尾果兩個位!!!好在前面果兩個人肯同我地掉位!!!跟住人稱黃德賓既人又同我前面果位仁兄掉左位!!!最後我就坐係賓賓既後面!!!而阿豬前面就係阿清喔!!!佢隔離果個係長天既一個唔錯既男仔!!!可惜既就係我既左隔離坐左個八婆!!!仲要係未開學就令我討厭佢既八婆!!!唉!!!可惜可惜!!!放左學食飽飯就同左阿豬去買鞋!!!阿豬好快就買左!!!而我就~~~ ~~~唉!!!始終都係無我size!!!唉!!!之後又去左波鞋街陪阿豬買另一對鞋!!!又好快甘買完!!!搭車走果陣真係好眼訓!!!但係係車度訓又訓唔到喔!!!唯有返來先訓啦!!!唉!!!始終最愛都係周仔!!!感冒好辛苦啊!!!

       聽日就係返學既大日子啦!!!今日又出去買鞋!!!行左甘多間都穩唔到岩既!!!間間都差唔多係甘既!!!唉!!!估唔到聽日要著對舊鞋返去!!!都唔知捱得幾耐!!!搞到今日又曬又熱!!!行得勁辛苦!!!仲要俾人逼住上左去阿叔度!!!要行七層樓梯!!!真係熱到加零一!!!聽日就要六點起床啦!!!今晚要早D訓迎接佢!!!六點起床!!!諗下都頭痛啦!!!但係"我要上學去!!!"要知道呢個都算係一種幸福!!!