尋晚勁大風!!!訓係張床度好驚!!!完全訓唔到!!!唔知到左幾點先訓得著!!!跟住又到左唔知幾多點!!!俾風聲嚇醒左!!!跟住連最上邊果個通風既窗都吹埋左!!!一個甘實用人手都要好大力先閂得埋既窗都竟然俾D風吹埋左!!!嚇到我大叫左一聲!!!阿爸都即刻起床睇下咩事!!!就甘嚇一嚇又唔知過左幾耐先訓得著!!!D風吹左一日一夜!!!今日全日都大風大雨!!!甘大個女今日先真正甘感受到咩係狂風的怒吼!!!真係唔係講笑!!!如果我自己係企既話就一定嚇死!!!風聲原來可以甘得人驚!!!

       經過尋日既下午茶之後!!!今日唔憤氣要去多次長沙灣既好彩飲下午茶!!!三號風球都要出去!!!真係無得彈啊!!!唉!!!不過返到屋企樓下都俾風吹爛左把遮!!!仲要係我最愛果把!!!唉!!!返到屋企食飽飯無無聊聊甘!!!阿爸又話打麻雀!!!哈哈!!!又送錢俾我使我無理由唔玩架嘛!!!打左兩個鐘贏左五十八蚊!!!成績都唔錯!!!出邊D風勁大!!!勁到唔敢開窗!!!仲要鎖到實一實!!!D聲聽起來都驚驚!!!怕怕!!!

       今日我地三個係企無食飯!!!等到兩點幾肚餓就話出去飲下午茶!!!上左車就打俾阿爸叫阿爸一齊去!!!於是一家四口去左飲下午茶!!!原本係出去長沙灣果間好彩既!!!但係阿爸話佢係深水步!!!好似太子都有間好彩!!!所以就去左太子果間!!!點知去到完全係兩回事!!!同長沙灣果間簡直無得比啊!!!我地一坐低就想走!!!但係又好似好樣衰甘!!!最後都叫左野食!!!D野完全唔好味!!!雖然個名同係叫好彩海鮮酒家!!!但係兩間原來差甘遠既!!!直頭破壞左好彩呢個名係我心中既形像!!!以後都係去返長沙灣果間好D!!!暫時到目前為止都未有一間茶樓可以比得上長沙灣既好彩!!!以後去飲茶都要非佢唔去!!!

       今日仲收到霍亂既禮物添!!!好感動啊!!!

       尋日煲曬D碟搞到今日勁悶無野做!!!婷姐返左大陸我又唔想返跆拳!!!所以就全日係企!!!媽媽"lau"我鋤D!!!反正都係甘悶!!!就玩下啦!!!細佬又話玩!!!媽媽話一蚊張細佬都係要打!!!我係甘贏!!!仲炒左媽媽十三張!!!點知又奸到唔認數!!!俾廿五蚊人就算!!!過份!!!上半場贏左五十幾!!!下半場又贏左四十幾!!!日日甘打都幾好!!!唔使直接問佢地囉錢甘難開口!!!不過今日贏左細佬五十蚊又好似好衰甘!!!不過佢話要問阿爸囉返!!!甘我就照單全收啦!!!

       今日就係七姐誕!!!過得無咩特別!!!全日係企煲碟!!!終於都煲完左雪天使!!!但係可惜個結局一D都唔好睇!!!睇完曬就同媽媽去買生果!!!但係又唔知買咩好!!!最後都係要阿爸去街市買!!!返來擺到成台都係!!!原本係我印象中係大陸過今晚係好好玩既!!!但係係呢度好似無咩特別!!!今年我依然都係飲中間杯茶!!!年年都係我飲!!!但係我都唔見得我叻得去邊!!!食飽飯又食左勁多生果!!!飽到個肚勁大!!!唉!!!已經好多年無食過棱角啦!!!甘有特色!!!一年一次既應節食物係香港竟然搵唔到有!!!可惜可惜!!!