今日全日都係屋企!!!但係今次就唔再係對住部電腦同電視啦!!!係同細佬打左成日乒乓波!!!哈哈!!!大家都係海軍鬥水兵者!!!拉開張食飯台!!!囉兩支可樂頂住支鋁枝之類既物體!!!甘就開戰啦!!!阿爸見到又打埋一份!!!阿媽返來又打一份!!!話時話!!!阿媽好似同我鬧完交甘!!!望住我既果種眼神無左之前果種~~~~~~(唔識形容!!!)都唔知發生左咩事!!!

       今日都無出過門口!!!十二點霍亂打來嘈醒左!!!傾左半個鐘度!!!跟住就起床睇電視開腦!!!就甘成日就對住呢兩樣!!!真係得個睇字!!!甘就洗左一日啦!!!除左頹廢都仲係頹廢!!!

       今日兩點幾就同細佬阿爸出去荃灣!!!兜兜轉轉係甘行!!!係愉景新城見到有McDonald's就行入去坐低食左勁多野!!!之後又兜返去荃灣廣場行吉之島!!!買左兩個咕臣同一個袋就又兜返去唔知咩街市買"食送"!!!買完又唔知係邊搭車走喔!!!巴士又無地鐵又唔知係邊!!!行行下竟然行左上大窩口!!!嘩!!!勁累啊!!!見到有43C就唔理三七二十一上左先算!!!返到來又行多一段路!!!俾多左車錢不但只!!!仲要行多甘多路!!!咩道理???返到屋企坐低唔願郁!!!好累啊!!!真係累不堪言啊!!!

       今日過左美蓮屋企打雀!!!三點幾先開始打!!!一開始就輸左差唔多二百啦!!!真係好似無咩運!!!好在後來居上!!!贏返!!!間中阿爸打左一次來!!!阿媽就唔知打左幾多次來問幾時返!!!甘就唯有提早收檔啦!!!贏左差唔多二百!!!真係唔係幾好意思囉錢走人!!!好似好衰甘!!!七點半返到屋企阿爸依然都係果句"去邊去到甘夜啊???"阿媽就蘇都唔蘇下我!!!細佬沖完涼就到我!!!距地就開台食飯!!!沖完涼出來見到一片好溫馨既影像!!!阿爸同媽媽一齊夾"送"俾細佬食!!!果一刻就有少少覺得自己好似係局外人甘!!!有少少down down地!!!坐底食飯佢地都無蘇過我!!!我都無出過聲!!!間中遇上媽媽既果種眼神真係想喊甘慘!!!已經唔係好開心架啦!!!媽媽甘既眼神就好像插多我幾刀甘!!!原來我唔開心真係無人察覺得到!!!包括屋企人!!!更加唔會問我發生咩事!!!唉!!!呢幾日都唔知搞乜!!!好似特別唔開心甘既!!!

       細佬日日係甘嘈我買個袋俾佢!!!嘈左成個幾月啦!!!今日終於都買左俾佢啦!!!佢又心足時我又唔使再俾佢煩!!!一舉兩得!!!感覺唔錯!!!不過途中媽媽打左兩次電話來!!!係甘鬧!!!耳仔都差唔多聾埋!!!九點過D先返到屋企!!!媽媽已經訓左!!!爸爸食緊飯!!!黑住口面問做咩去甘耐!!!見細佬食得少飯又鬧我"係出邊食左又唔講聲!!!"甘我事實係無食喔!!!細佬食得少就話我!!!好唔公平者!!!不過話時話!!!呢幾日都唔知做乜!!!爸日日都係甘鬧我!!!我一傾電話佢就好似見到仇人甘望住我!!!都唔知咩事!!!連今朝飲茶果陣都鬧"要傾電話就係企傾啦!!!來咩飲茶者!!!"俾著係以前既我我一定即刻起身走人!!!但係今日我無!!!收左線就坐係度!!!根本就唔知發生咩事!!!有時真係唔知可以做乜!!!連咩事都唔知就係甘俾人鬧!!!果種感覺係幾甘難受!!!