今日同左美蓮出街!!!佢依舊都係例牌遲到!!!仲遲左足足半個鐘有多!!!三點幾去到奧海城!!!幾經辛苦搵到間戲院!!!係度睇下睇邊套好!!!最近既場次得三點十一既球愛可人兒(She's The Man)!!!甘就一於睇呢套啦!!!對呢套戲既期望都唔係好大!!!點知睇睇下笑到我肚痛!!!真係好鬼搞笑!!!睇完出到來都仲係度傻笑!!!跟住就突發其想!!!想試下女扮男妝!!!應該都幾似下既!!!不過都無乜機會俾我試!!!想下都唔錯既!!!不過話時話!!!套戲既男主角真係好鬼靚仔!!!嘩!!!不過可惜個女主角就唔算太靚!!!不過都唔可以話樣衰既!!!總之套戲就係好好好好好睇!!!仲好好好好好搞笑!!!之後去左m食野!!!食飽飽就走人返屋企啦!!!就甘就過左一日lu!!!

       今日係我考oral既大喜日子!!!都唔知點解會甘驚既!!!十點幾就醒左訓唔著!!!起左床阿媽見到第一句就問"你睇錯錶啊???十一點咋喔!!!甘早醒???"哈哈!!!我都唔知點答佢好!!!之後就一直驚到四點出門口!!!一D oral既野都無睇過!!!叫我點會唔驚!!!去到考場做左七八份問卷調查!!!又熱喎!!!唔係念在佢地咁辛苦係度做我先唔幫佢地啊!!!唉!!!好人做到底囉!!!一做就做成七八份!!!都咪話我唔偉大啊!!!入左試場!!!心跳加速!!!血壓上升!!!差D心臟病啊!!!真係好鬼恐怖!!!唉!!!又鬼甘黑仔做著C!!!第三個入房!!!有多兩條友仔坐係度!!!又更加緊張!!!死啦!!!問錯左一條問題!!!但係我覺得條問題冇問題喔!!!係個臭三八聽覺有問題者!!!之後到我坐係後面聽!!!最後果個都係錯埋同一條問題!!!個心都安樂D!!!之後四個人坐埋就真係痴痴呆呆坐埋一台!!!大家都係半斤八兩甘啦!!!有個男仔就自以為醒!!!頂佢!!!唔識就等我來啦!!!真係講起就興啊!!!仲有個男仔就專係附和既!!!成日重複我地既說話!!!仲有個女仔就仲白痴!!!淨係識點頭同擰頭同笑!!!連yes or no都唔答下我!!!唉!!!講第一果條友仔連題目都唔明就係甘跳落下個point!!!趕住投胎咩!!!真係大佬!!!你死好啦!!!唔好累埋我丫!!!做帶果個做到佢甘就真係唔死都可以列入健力氏啦!!!唉!!!算啦!!!唔算都唔得!!!都定左!!!唯有希望今日個個都係甘痴呆啦!!!

       今日一家四口都係屋企!!!媽媽發動齊齊遊干水!!!可惜細佬唔識!!!得我地三個玩!!!細佬就唯有幫我地疊牌啦!!!都幾好玩!!!玩緊果陣feel到家既感覺好濃厚!!!好有家庭氣氛!!!其實甘都唔錯丫!!!玩下又一日!!!我仲多左幾十蚊零用錢添!!!都幾唔錯!!!

       好耐都無打麻雀啦!!!今日成成佢地全家過左來!!!甘難得既機會就梗係玩返下啦!!!媽媽最勁!!!贏左成百幾蚊!!!我就~~~唉!!!不過都好既!!!起碼唔使甘悶!!!就甘就過左一日啦!!!話快唔快話慢唔慢!!!唉!!!聽日又點過啊???

       今日係企悶左成日連電話都無乜點傾過!!!得霍亂打來同佢傾左陣!!!十二點左右就起床!!!全日同媽媽係企!!!真係好悶!!!直至爸爸同細佬返左來先有D野玩下!!!突然聽到媽媽講左句話好鐘意細佬!!!細佬問"甘你唔鐘意家姐咩???"媽媽諗都無諗就好認真甘話唔鐘意!!!然後望左我一下!!!我笑下!!!個心就係覺得好痛!!!即使媽媽無心講呢句或者無其他意思都好啦!!!我就係覺得心痛!!!唔知係咪因為今日心情唔多靚所以有呢種感覺定點啦!!!好在乎果一句說話!!!之後爸爸又係度講細佬點點點好!!!呢樣無可否認既!!!我唔及得上細佬!!!但係甘都并唔代表我唔在乎佢地!!!可能我真係唔識點表達自己啦!!!我都唔知點先可以做到佢地既要求!!!唉!!!只可以講一句"做人難!!!做乖女更難!!!做人心目中既乖女就更加難上加難!!!"