原本今朝搭9點中既車返大陸咖......
點知我唔知醒......之後Noel打黎....
我望下個中......9點.....死喇!!!!
跟住就拿拿臨起身整野......之後搭的士過旺角....
去左中旅社度問有咩車可以轉返恩平......
之後我地搭去廣州再轉車........
 
我地差d比人呃左呀><.......
我地去到果個廣東省客運站....諗住買票....
點知未行到埋去~就有個女人問我地去邊....
咁好自然會答佢啦.....之後佢就話對面有車搭.....
1個人$130....我問佢坐幾耐到....佢竟然話5個中!!!!
佢係咁叫我地行快d.....仲要話好趕......就快開車.......
跟住我地就跟左佢過對面.....點知間野係勁細間同up dou...
買完飛之後.....佢地叫我地入去坐低等......
之後我地坐左陣.....我覺得唔多對路.....就同左Noel出去~
我地1行出門口佢地就係咁叫我地返入去等....
又話部車就快到.......叫我地唔好行開......
但我地就覺得愈來愈怪......做咩唔比人走得咖??
跟住無理到佢地......走左去前面大d既車站度問......
 
果個車站既服務員話要過返對面先有車搭去恩平.....
咁我地就返返去間up dou野度退返張飛......但只可以退返100蚊.....
唉~算啦~豪比佢~好過1陣唔知車左我地去邊~
結果我地返返原本個車站度搭車.....仲要平1半~2個幾中就返到....
好彩我地無搭果部唔知咩車姐......好彩好彩!!!!
 
返到恩平已經成6點幾......之後同左Noel去食野.......
2個人嗌左5樣野.......飽到嘔.....d野當然係食唔哂~哈哈!
跟住去左洗頭......同超叔傾左陣計......then佢車我地走~
夜晚同d fd聚下咁......2點中返屋企訓覺......