今日天氣突然凍左勁多呀!!!  
1落到街d風吹埋黎超凍......真係凍到震!  
各位朋友仔要著多件3.....唔好凍親呀!  

哇!!!好興呀!!夜晚同表哥,Noel,Elaine打完邊爐.....2點中~  
咁好正常搭的士返屋企啦!!一上車講完去邊....  
之後佢重複講左1次.....見無講錯咁我梗係話係咖啦  
但好懷疑個司機阿伯係唔識路就扮識囉.....  
明明係直行佢竟然可以轉彎咖囉!仲要問返我wo!  
我話直行~但佢已經轉左....之後仲要話我講錯地方!  
咁都算喇~~費事同佢嘈~之後兜左個圈.....  
去到半路~我見佢周圍望...咪問佢識唔識路囉....  
佢話識~咁我咪拎部電話出黎聽下歌咁囉~  
加上個頭痛痛地.....仲邊會理咁多野呀~  

但點知當我1抬頭既時候.....竟然過哂龍!!!!!  
佢仲要話我唔講佢知!!!哇!!!大佬呀!!你係司機黎咖!!  
你係唔識既話你1早講丫!!我話比你知條路點行丫!!!  
我已經好眼訓~個頭又痛.....你仲要搞d咁既野!  
之後又兜兜兜~都唔知佢兜去邊~我都未去過果度....  
搞左1輪~終於都可以返到屋企樓下.....  

簡直痴線咖!!做司機做到咁!不如你轉行啦!!  
最嬲樣野就係明明係佢自己唔識路!!  
但就將個問題推落我身上!!!  
我搭咁多次的士都未遇過d咁既人咖!  
如果個個的士佬都好似你咁就死得啦!!!  

最好笑就係我問佢知唔知富昌村係邊~佢話知~  
問佢知唔知西鐵站係邊~佢話知~  
問佢知唔知富昌商場係邊~佢話唔知!!!!!  
個商場就係正西鐵站對面!!!佢竟然話知西鐵站係邊但唔知個商場係邊!!  
你話係咪搞笑????簡直.....嘔哂血!!!!