今日陪姨媽行街....10點半起身,好早喔!!
搞掂哂之後同ar媽1齊出去....
去左旺角新世紀行.....
我都唔明點解佢地咁中意去果行...
上次2表姊佢地返黎又係約我去果度...
我果陣1聽...旺角新世紀??乜旺角有新世紀廣場咖咩??
之後諗諗下先記得係火車站果邊果個.........
我係完全唔記得左旺角有呢個商場咖囉....
因為我從來都唔會去果度行街買野....
1黎覺得果度有d偏遠,2黎覺得無咩好行.....
所以我好少去....已經好多年無去過果度,自然唔會即刻諗起...

之後行行行....行到3點...ar媽去返工....
出黎之前ar媽煮左d野食,不過我唔中意食,所以我無食到!
姨媽都未食野....so我同姨媽去食野....
因為貪方便,我地又行到好累...加上我著高爭鞋行左幾個中,係超累!
唔想再行出去第2度食.....所以就去左m記....

可怕既事黎喇....食完之後無耐我個肚就開始唔舒服...
我1直都以為可能係我食得太飽頂住....
加上我有時企得耐個肚都會有d唔舒服既感覺...
我以為係呢2個原因....但之後發覺原來唔係lor....
食完野行多陣,我就同姨媽去醫院探阿公....
途中我都有幾度想嘔既感覺,但嘔唔出....
去到醫院大堂等埋阿婆同姨丈黎到先1齊上去....
上到去無耐,就到病人食飯時間....
我1聞到果陣味又有想嘔既感覺...之後我行左出去企左陣...

探完阿公,買左支水...之後出到醫院門口用果d洗手液洗完手先去搭車....
姨媽同阿婆佢地搭van仔返去,我就過對面巴士站搭車返去....
等緊車果陣...我飲完水唔知點整....聞到隻手d洗手液味.....
即刻就忍唔住嘔左少少出黎,我仲諗住用紙巾包好掉左佢算喇...
點知唔洗幾耐又嘔,根本已經忍唔住1定要嘔落地...
真的好嘔心...我都唔想咖...但真係無辦法,請原諒我!
好彩果個站無乜人,只有1個女人係我前面...
而且我嘔完下1秒即刻有車黎,我都唔知係好彩定唔好彩....
好彩係唔驚比其他人見到,唔好彩係我無時間抺嘴.....

真係好慘....得自己1個...仲要遇到d咁既情況....唉!
發誓以後都唔食m記喇!!!返到屋企都無咩胃口食野......
到左11點幾ar媽收工果陣叫佢係樓下ok買隻雞脾上黎食.......