|
今日終於都放假喇...........好開心!
連續返左6日工......好累~~~
因為今日放假....仲要連續放幾日.....
所以之前講好左收工之後去睇戲......
不過尋日係最後1日....比較早收....要搬返d野返公司!
阿駿同文仔佢地執好哂d野....就等車黎....
我地返到公司....佢地搬哂d野入去.....搞掂哂~
就等老細佢地過黎.....之後1齊去食飯!
我地去左佐敦食飯同傾野....食左好耐....
食到10點左右就走人.....跟住我地過mk.....
去左百老滙睇下幾點有場....不過想睇果套已經開始左....
咁我地就過朗豪坊睇下有無.....好彩有最想睇既<<毒蛇嚇機>>~~
之後就打比阿君問佢收工未啦.....
買左飛之後就去左打機.....父王同文仔2個玩賽車...
我就企係度睇佢地玩.....無幾耐阿君到左....
因為佢未食野~所以我就同左佢去仙跡岩度食野....
差唔多夠中入場...佢地打完機過左黎搵我地....
佢地係咁引阿君講野...之後我唔比佢地講~
要阿君食快d.....哈哈....!!
之後拿拿聲埋單走人.....入到去仲未開始~
我地係咁講野同玩....死人父王又請我食了結糖=.=".....
之後文仔話我地嘈.....哈哈!
套戲真係好好睇.....由頭到尾都係驚心動魄+搞笑!!
不知不覺....睇完原來已經成1點半....
之後我就同阿君1齊走....父王就同文仔1齊走....
返到屋企沖完涼都已經差唔多3點....之後就訓覺喇....
| 
