| «‹ September 2015 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 6 月 26 日 星期一  |
冇主題!!*  |
考試日 eight !!
今日考I.S!!慘到冇人有呀!!!
我食完媽咪叫我食既珍珠雞之後，換衫時勁想嘔，後來我好肚痛...去到大約鄉中既後門時，見到西瓜阿仔!我當時已經標晒冷汗，痛得好辛苦!!返到學校，魚魚陪我去toilet!後來差唔多打鐘既時候，好好人既林詠茵又陪左我去一次!但係好似老師就黎到咁，所以冇幾耐，我叫佢返課室先...後來好似冇乜野咁之後，返到課室，動作很快的miss鐘正在派卷，佢走埋黎同我講，話如果唔ok的話，就唔好考住...最後考左!!當考試進行的時候，好好好肚痛，標冷汗...捱左好耐，舉手了!!冇反應的...當時周樂逃幫我手叫miss鐘...到了1A班房，好似見到有個人企左響窗口，但係我仍衝到toilet!我諗左好耐，我覺得果個一定係金魚!!後來肚屙時，勁勁勁想嘔，但冇法了...份卷仲有好多未做，行呀...好似行緊沙漠咁!!呢個時候，見到金魚位於1A的課室，高高興興地向我揮手!!返到去1E，好似驚動了大家一樣!!最終，做淨一,兩題不重要的! MISS鐘收完卷之後，叫我返到屋企訓一陣，或者去睇醫生喎!!不過我唔會既!好好好奇怪，每是MISS鐘監堂，總係有人會電話響!上次係晴，咁今次係邊個呢？ 唔理啦...我與西瓜進行521行動!!首先去左5樓搵野，但係搵唔到...後來去左2樓，執野執到痴左線!期間我拎左能得利出黎，講左句「能得利，好好味」大家笑得好開心，後來西瓜都作左句「能得利，好好味，有陣梅菜豬肉味」笑到我死咁滯!!執左兩個字左右，去左1樓進行一d冇人會知既事!咁就功成身退，搭264m走人啦!!返到屋企，等左好耐!我的媽媽回家了!!而佢好趕地煮通粉，之後又出左去打牌啦!!好開心，因為有得食通粉，好味到爆炸，落左五香肉丁，勁好味!!溫書，溫書，溫書!!總之，之後就係溫書!!
|
| 刊登時間︰2006-06-27 12:24 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 25 日 星期日 |
NO!NO!NO!*  |
今日冇特別的事...
最特別的就係坐左好耐...都在溫書!!
而且老豆今日探親旅程完畢!!
基本上冇野講!! ＾＾ >3<
|
| 刊登時間︰2006-06-27 12:00 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 24 日 星期六 |
討厭!!*  |
真係好唔鐘意屋企...!
話說尋晚，老豆因回鄉探親，想問我借部相機， 咁我咪話有d相響相機，唔想俾佢見到!!可能當時語氣關係，佢就以為我唔借俾佢...但係我真係諗住夜少少，等家姐用完電腦，就放d相落電腦，咁咪可以借俾佢囉!!但係點知我未行動，佢沖完涼之後，從洗手間衝出黎，大大聲咁鬧我!佢話未聽過屋企人問屋企人借野都唔得...我都未聽過d人未了解清楚就不停咁鬧人啦!!同埋我真係覺得冇乜問題!相機...傻瓜機都有兩部俾佢揀啦!佢又話影得唔好...我以前問我家姐借相機失敗，唔會覺得有d乜野...傻瓜機又不是唔可以用!之後家姐見情況危急，佢就話借佢果部相機俾老豆，點知老豆已經癲左咁鬧埋佢!慘...
到左今朝早，10幾起身!!我起身時，已經淨得我同家姐，佢又準備出去游水了!!出門口前，問我尋晚究竟發生乜事!之後講講講，又喊出了...家姐話老豆連珠砲發...仲話自己都中左一槍!^V^
我真係心情到谷底了!!可以只得我同家姐一齊住嗎？
|
| 刊登時間︰2006-06-24 12:29 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 6 月 23 日 星期五 |
| ...!!* |
| 考試日seven !!
今日考中史，朝早與阿仔...西瓜弟弟一齊回校!返到去，西瓜話放住個袋響我度，原來1B班男仔坐左佢個位...之後我咪好大聲咁講:唔洗怕架!咪大聲D咁叫佢地走開囉...個位你坐架嘛!THEN,班男仔好似聽到我講野咁，所以成班走開左!!但係過多幾分鐘之後，又坐齊人咁啦!!今日係MISS梁監堂...嚴可晴冇拎走黃晉豪送俾佢既公仔，差D俾花姐dum左個公仔!今次好多好多都識既...不過地圖方面都仍需努力!最後果part，完全唔識點答...好彩果part只是6分!放左學之後，同左陳翠婷,飯糰,西瓜一齊搭K73!曾靄婷成日都俾我同西瓜飛起...好慘!返到屋企，等媽咪同李紫婷返屋企，然後出屯門!!好期待架...因為今日約左契媽飲茶!明明我地約左契媽12:00，居然媽咪11:45先返到屋企...結果好似12:15先出到屯門!!原來媽咪個FD會帶埋佢個孫黎...我覺得佢真係好得意!聽契媽不停咁講佢D野出黎，呢個小朋友真係好口花花，好識讚人，又乖，真係一個好抵錫既小朋友黎架!媽咪同李紫婷去醫院覆診，但係我冇去到，等契媽走先至一齊行...呢個時候，可愛既馮小朋友對住我不停咁飛吻，非常開心!!之後去左買糖，佢揀左好耐，契媽又話不如食呢d，又話食果d，佢都話好丫!後來我同佢響度玩，佢真係好可愛!!肥嘟嘟，又白嘟嘟喎!!
後來，同佢地講完拜拜之後，自己一個行左一陣...去左A-LOOK整眼鏡，THEN行行行，好想去id:c，但係唔記得左點樣行!唯有打俾媽咪，但係cut左我線...冇啦啦又打返俾我，去KFC等佢地...同媽咪睇波鞋，佢問親我呢對靚唔靚既時候，我都會答唔靚!但係佢又好想搵人支持呢對鞋，所以李紫婷一定話OK!之後去左id:c，見到個袋好靚，又大又有特價...但係應該會好少用得到，所以冇買到!(不過後來極度後悔冇買)AFTER,去左超級市場，買左好多野食，有好多野都有贈品，但係買米粉就冇野送...其實買果時，好想問果個人可唔可以送佢頂帽上既襟章俾我，但係好驚媽咪會話我貪心...買左好多野之後，返屋企!原來老豆又打算返鄉下了!買左好多野，準備回鄉!
夜晚去左大榮華食飯，我同李紫婷玩到勁嘈!!食完之後，去左優ソ良品幫老豆買d野食!!然後就返屋企lu…
|
| 刊登時間︰2006-06-24 01:08 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 22 日 星期四 |
| 今日是阿女...晴ソ生日!!* HAPI BIRTHDAY!>3< |
考試日 six !!
今日考GEO!!我覺得都ok難，不過當然既!
死賤人MRCHAN教，等如冇教，將成本書既野講俾我地聽!都唔明佢既教書方法係點既!!!
放學之後，我與西瓜及曾靄婷到了cover!! 我同西瓜一齊研究點樣食我親戚從台灣買回來給我吃的麥芽糖!!之後我地拎住對快子轉黎轉去...
後來行樓梯到垃圾桶的時候，居然麥芽糖從天而降，雖然我地覺得自己做錯左，但係都跑走左...好衰添!
返到屋企，一路溫書，一路等我個妹返屋企，然後出去食lunch!!去左大家樂食...見到小學同學!!嘻!!食完之後，陪媽咪提款，由我入咭n打密碼，好開心!!不過做呢d野，通常只會係d好細個既小朋友先至會好好好開心!!哈哈哈!返屋企之後，我練琴，而媽咪就準備去打牌...後來溫書，溫書...係時候為我的日記添上色彩，所以開機!!打左幾篇日記咁囉!!同我阿仔，西瓜弟弟一齊傾計，開心到爆炸!!
中史...你要靈靈性性呀!我知我一定得架!! 
|
| 刊登時間︰2006-06-22 06:06 PM [ 訪客留言(0) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | »
|
