| «‹ March 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
2006 年 6 月 21 日 星期三  |
哈!!*  |
考試日 five !!
今朝早，我最靚既果對眼腫左!!因為尋晚喊得太勁了! 我呢一刻好想知道究竟點喊或者點做先令刑戈地唔知你喊過呢?我每次喊完，對眼好快就唔紅，但係就好腫!所以希望有人研究出喊完對眼唔腫的方法!
返學見到小宋妹及珊珊姐姐!我同佢地又研究尋晚條數啦!最後，好似鬧交咁鬧左好耐，珊珊知道左我認為一定要-5，所以佢減俾我睇!x-4x=-88-5
好開心，終於搞掂左!!珊珊是最好的補習老師!>3<
今日份卷都幾難架!結果我文字題都有1~2題唔識!
返學後，西瓜雖已被糖糖拉得緊一緊，但仍努力地掙扎，希望能與我一起回家!!結果，西瓜成功了!!
返到屋企，睇左花木蘭!王喜講d野真係好好笑!我記得我以前好鐘意睇架!!之後食粥等等...
大約溫左唔知幾耐書之後，打算夜晚才再接再厲，誰不知...家姐不停咁鬧我地!!我給她氣得胡里胡塗，不知不覺間...我坐了在大廳溫書!!後來6點幾，媽媽打電話回來，告訴我們，她要打牌打夜少少，叫我們自己到街吃味精!由於尋晚太夜訓，所以6點9左右，我走了去訓覺...到了8點9左右，我給我的妹妹嘈醒了!原來我昏迷了兩小時~我當時完全不知究竟是怎麼的一回事!後來的我，漸漸精神起來!食過晚飯後，家姐為明日面試忙於搵衫，而我坐左響度溫書...當家姐去洗白白的時候，我開左個收音機，咁岩聽到永不放棄同學會既校歌，真係好好聽!!後來，唔知做過d乜野，咁就去左訓覺了! 請大家繼續支持我的日記! >3<
|
| 刊登時間︰2006-06-22 04:44 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 20 日 星期二 |
大件事...笑死人!!*  |
| 考試日 four !!
今日係考英文作文既!
尋日羅阿妹向我嗌救命，知道發生乜事之後，
我笑到嗌救命!!所以我都要求救...打左俾李婉嘉!
我打到去，發現西瓜扮晒野...以為我唔知佢乜水!
我將整件事講左俾佢地聽之後，大家笑到死左!!
到左尋晚的時候，我同羅阿妹進行「救心行動」，
但係好似後來改左名叫「標心行動」!
到左今朝返學的時候，見到大宋姐姐同珊珊!同佢地講起呢件事，大家都笑到發瘟!去到後門，我仲未完全講晒成件事，又俾我見到羅阿妹，我指住佢又笑左餐!
之後再同兩位小姐又講~!結果1E男仔由羅阿妹發放資料，而我就負責左1Eソ美女們!!好多人聽完之後都笑得好開心!!不過我好驚李穎心會發癲，因為我諗佢知我地笑緊d乜!! 講左咁耐，可能仲會有人唔知發生乜事既...我講!!話說羅偉文於6月19日收左一封唔知乜野人俾佢既信，佢一睇...發現是心心給他的!裡面還有愛「心」朱古力!!至於封信的內容...對不起，只可怪我的記性好到不得了!!後來羅偉文驚到發瘟!!我知道此事後，想打個電話關心一下，結果他驚得電話亦不敢接了!!嘻嘻呵呵!!相信現在，已經有勁多人知道發生乜事啦!我真係感動到喊!天生一對!!
*羅偉文妹妹，記住睇完之後，唔好打我呀!我怕喔!*
英文作文，8:35開考，揀左寫信!!
當我咪咪摩摩完之後，發現作完的時間是9:00!!馬上裝上一個驚訝的表情!我看見有很多人還沒完成，我訓覺就會變樣衰了...我應怎麼辦?我決定望住個阿sir，睇佢會有d乜野動作!!佢個嘴真係靚到爆炸，好想一下打落去，睇下會唔會好dd!但係到左最後，又諗起羅妹妹好笑的事件，自己心裡不斷地笑!!所以決定訓覺!我發現次次作文都唔洗半個鐘就作好，好心學校就改下，45分鐘都差不多了!!但係好擔心我隔離既1B女孩唔夠時間呀!佢成日都坐成15分鐘先開始作文!期待已久的收卷時候到了~感動到爆炸!!放學後，跟天意小姐，翠婷姐姐，西瓜弟弟一起乘坐K73回家!到了屋企樓下時，d雨大大滴咁滴落地下，好多好多，但係到淋唔到我...呵!!後來...好大雨!我媽咪叫我去接李紫婷，淋到成身濕晒，但係都搵唔到李紫婷，用左好耐時間，d老師話佢可能返左屋企，最後打電話返去先發現佢真係返左去!!發現到搭lift時，成lift人都係伊小...勁到爆炸!THEN,下午吃了PIZZA n 溫左好耐書，計左好耐數!!
於夜晚時，有一條數，計到我因爆炸而哭!內容是:
David is 27 years older than Jennifer.5 years later,David will be 4 times as old as Jennifer.Find David’s present age. Let David’s present age be x .
x+5=4[(x-27)+5]
x+5=4(x-22)
x+5=4x-88
88+5=4x-x
3x=93
x=31
David is 31 years old.
而我就唔明點解加左5之後都仲可以計到依家既age， 家姐同媽咪就係咁話因為俾左呢d資料你囉!!仲不停咁諗d例子出黎，希望我會明白!!但係我真係諗唔到啦!!只怪自己個腦真係轉得好慢啦!所以就係咁喊啦!
|
| 刊登時間︰2006-06-22 03:08 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 6 月 19 日 星期一  |
| 冇主題!!* |
考試日 three !!
今日朝早好大雨呀!結果我就唔帶住幅眼鏡返學...
返到班房，李穎心好驚訝地問我做乜唔帶眼鏡~!煩!
之後去左1C搵霍沛霖，佢話佢唔認得我~吹脹!!
後來同我既同學們分享我包糖!有D人話好好食，有D就話唔係咁好食!今日考英文聆聽+讀文!!發現聆聽講得都幾快，最尾果PART都聽唔到!
小息既時候，同李婉嘉去左樓下飲水，然後有兩,三個人都同我講，話維他天地有我個名，嚇死我!原來我中左獎，因為之前填左成幾張問卷，唔中就奇啦!獎品係幾塊磁石，送左塊俾李婉嘉!我仲以為會送飲得既，食得既...CHEAP!
英文讀文係由我地最愛既MISS鐘監堂!佢真係老啦~考試果陣，好似係嚴可晴電話響起了!我聽覺咁差都聽到，居然MISS鐘完全唔知...!今次可能我俾多左心機，所以唔算好唔識果隻囉!!
放學之後，陪曾靄婷去金魚基地àDT ROOM搵師傅剪鎖!當我地由地下行上去5樓時，由於冇帶眼鏡，全靠曾靄婷同我講，我先知金太返來了!開心到爆炸!剪鎖過後，去左搵金太!佢一出黎就話:我返黎啦! 我地當時黎左一個深情一抱之後，我就問佢暑假可唔可以拎我既寶貝à法國號返屋企啦!
AFTER THAT,由於時間許可關係，去左劇院睇中七D人既畫!之後我地行去巴士站搭車...期間，曾靄婷俾人撕起左把傘子，成個人穿左過去!我當時好嬲~有冇禮貌架!後來望多幾望先發現個衰人係林志權!好冇禮貌呀!!一句唔該洗死嗎?...去到善怡屋企樓下，等左好耐都冇人!!我當時以為係自己遲到，所以人地已經走左...經紫琳明查暗訪之後，發現原來係善怡自己唔記得左!嘻!不過同時發現原來果條村咁大架!!好多謝曾靄婷陪我行左咁多路~>3<!
返到屋企樓下，見到家姐...上到屋企，見到媽咪!後來我跟媽媽開開心心食飯去!去左天慈大家樂，發現如果唔係學生，買野食都幾貴下...食完之後，買左明早要食的早餐及汽水!返到屋企之後既野唔再講啦!!
只知自己好似病左!打乞痴!開始不舒服了!
|
| 刊登時間︰2006-06-19 10:47 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 18 日 星期日 |
| 溫書日!!* |
今日10點幾起身，發現屋企冇晒人...我尋晚晚早左訓，但係都好遲先起身!! 奇怪
練左陣琴...邊食我既燒肉雞飯，邊睇FEEL 100% !
話說Niki患左個會踼腳ソ怪病!Alex又孭佢去睇醫生，如果唔係Niki而係Stephy既話，場面一定好sweet姐...!不過覺得呢集悶左少少~!
之後同李紫婷癲左陣，然後好乖咁溫書!想知HISTORY會唔會考A書...
2點幾，食左甜筒à芒果味!!好味到暈啦~!
3點幾既時候，一路書一路玩，俾李紫婷用本字典打左落個頭度，痛得我媽媽亦不認得了!之後因為咁，就開始神經失常~!
4點幾，彈琴!想問家姐少少野，佢居然叫我收聲!惡人是有惡報的~XANGA打d野冇晒!都唔知李紫婷點扯起家姐把火既...火燥警告視為八級，強度屬於偏高!!唔好挑釁佢係一個最好既方法~!
原來今日係父親節，我地三姊妹好似一人夾$26，送左部收音機俾老豆!但係又好似因為佢訓左覺，所以仲未送出既!! 我依家好唔鐘意屋企人唔相信我!
|
| 刊登時間︰2006-06-19 09:51 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 17 日 星期六 |
| 一個星期六!* |
今日朝早9點幾10點起左身~極度眼訓!!
睇左陣電視之後，練琴啦!!
THEN,食粥了!睇多啦A夢，唔明...有PG家長指引的多啦A夢，神奇!! -0-
溫書...邊聽MP3邊溫，溫左陣GEO，之後好開心咁溫中史，忽然覺得中史努力少少就可以成功，努力!!
4點1左右，表姐打電話黎，叫我搭的士去灰沙圍，俾條鎖時佢開門，我同李紫婷一坐左上車之後，就玩呢排俾人打到媽媽都唔認得既打手，玩左兩分鐘先有得打人...廢到不得了!!
去到灰沙圍，唔落車...表姐黎搵我地!第一次唔落車咁原車去，原車返~好玩! ^^ 兩程加埋都係$45，都係一個唔錯既價錢!我俾住先，終於有個親人欠我架啦!
返到屋企，同李紫婷玩左兩個無聊但高興既遊戲，真係好白痴...佢仲不時會話我地好似D白痴既女仔!
5點半睇新排球女將，好睇到不得了!唔鐘意阿綠咁奸!其實呢套野我都睇過啦...但係當時唔夠投入，睇左唔係好多集，今次會追架啦!咁好睇既野，唔睇唔得!
之後唔知乜野原動力推動我開電腦...搵左個數學練習做...中文的...唔緊要啦!!之後善怡話會俾佢學校既試題俾我...高興到不得了!!
冇野講啦!! 拜拜，各位考試既同學要努力呀! >3<
|
| 刊登時間︰2006-06-17 09:16 PM [ 訪客留言(1) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | »
|
