2006 年 5 月 9 日  星期二   晴天

112樣男仔做左會留下分手伏線既原因

1. 話你個新髮型唔掂 2. 無興趣同你既朋友建立友誼關係 3. 話自己揀女朋友唔係揀樣既 4. 同自己既朋友出街唔帶埋你去 5. 響高級既地方失禮 6. CHECK你既SMS、EMAIL、MSN MESSAGE、日記之類 7. 經常「曝」住體育台 8. 笑你著既衫核突 9. 紙巾一舊舊，等你執手尾 10. 同你出街永遠著得烏烏WERWER 11. 肆無忌憚望女仔 12. 同舊情人傾心事 13. 去廁所唔閂門 14. 喜歡講鹹濕笑話 15. 無主見。扮晒俾你話事，其實自己唔想諗 16. 唔准你接觸任何男仔 17. 不停有追魂CALL到 18. 話「咦？你呢排肥左喎﹗」 19. 排你出去霸位 20. 太孤寒，未結婚就要同佢捱 21. 無黎搭，成日唔知去左邊 22. 勁讚第個女仔靚 23. 講你既FRIEND是非 24. 陪你SHOPPING果時無表情 25. 成日掛住打機或者睇漫畫 26. 用粗口鬧你 27. 好似小鳥依人咁嗲你 28. 明明係嬲，但係話自己「無野呀…」 29. 唔再送你返屋企 30. 嘈交時候，話走即刻走 31. 講大話 32. 郁D就講分手 33. 唔陪你玩過山車 34. 勁問你借錢 35. 要你接佢放工 36. 情人節同你去食自助餐 37. 成日要你幫佢買呢樣買果樣 38. 吼你訓著覺之後溜出街 39. 唔上進 40. 爛賭 41. 無口齒 42. 淨係送一枝花俾你 43. 叫極都唔願起身 44. 逼你週街互接吻 45. 拖手時候不停搞你既手指甲 46. 過份鹹濕 47. 成日遲到 48. 對住自己FRIEND同對住你係兩個樣 49. 成日對你呼呼喝喝 50. 話要同你生一隊足球隊 51. 袋晒D野落你個袋度 52. 叫你自己一個落機舖呢D咁雜既地方搵佢 53. 翻褸 54. WEEKEND時候同你行電腦商場 55. 唔准你著得少，但係自己勁望著得少既女仔 56. …（無故忽略左呢項，無從稽考）… 57. 有事推你出去，例如問路或者查詢電話 58. 無心機聽你講野 59. 響你講認真野既時候笑 60. 緊張架車多過你 61. 特登逼你食野，有心谷肥你 62. 半夜叫醒你幫佢煮個麵 63. 唔記得你幾時生日 64. 覺得自己乜都o岩晒 65. 逼你同佢著情侶裝 66. 以為全部屬於你既野即係屬於佢既，例如所有CD、書之類 67. 一杯野兩份分既時候咬到枝筒爛晒 68. 成日同你去茶餐廳 69. 留低你同佢媽咪單獨相處 70. 成日話「都唔知你嬲乜」 71. 一諗唔到去邊就話上你屋企 72. 逼你叫佢做「老公仔」 73. 食野果陣唔會留返最後果舊俾你 74. 以為自己係頭文字D，開勁快車（就算打機都算） 75. 話你個樣似某某二三線演員 76. 鍾意捏你最肥果D位 77. 成日問你有無掛住佢 78. 扮細路扮CUTIE 79. 話你煩 80. 阻止你買衫，唔俾你洗錢 81. 唔孝順 82. 太孝順 83. 自作主張，幫你做決定 84. 成日同你講「唉你識咩丫女人﹗」 85. 朝早起身要錫你但係個口好臭 86. 用錯第個女友個名叫你 87. 你病果陣叫你自己去睇醫生 88. 成日問你「你做乜唔出聲o者？」 89. 搭飛機果時霸窗口位坐 90. 你一聽完電話就問你「邊個黎架？」 91. 銀包仲放住舊女朋友既相 92. 對任何年齡女性都口花花 93. 話你既香水好臭 94. 要你掉晒有關你同你XBF既所有野 95. 唔理你係咪睇緊電視，用遙控係咁轉台 96. 太黐身 97. 你生日果陣叫你自己約FRIEND自己搞 98. 同你睇親戲都訓著覺 99. 同你鬧親交都問你係咪「姨媽到」 100. 同佢呻親乜都話「唉算啦…」 101. o殊你 102. 同你既FRIEND一齊笑你 103. 叫你揀去邊度食野，然後度度都話唔好 104. 唔善待你隻寵物甚至虐待佢 105. …（又無故忽略，無從稽考）… 106. 成日懷疑你出去勾三搭四 107. 死都唔帶你去見佢屋企人 108. 匿埋一二邊聽電話，鬼鬼祟祟SEND SMS 109. 覺得女仔係天生負責屋企所有家務 110. 濫用「對唔住」（仲要加個「囉」字） 111. 響FRIENDSTAR寫自己係SINGLE 112. 逼D FRIEND叫你做「阿嫂」

刊登時間︰2006-05-09 08:34 PM 　　　　　　　     [ 訪客留言(2) ] [ 編輯日誌 ] [ 分享至FACEBOOK ]

2006 年 5 月 7 日  星期日   晴天

112樣你鍾意一個人既跡象

1. 見到佢果陣會心跳加速 2. 口齒突然間變得好唔伶俐 3. 經常發呆 4. 人地無話打俾你，你又響度猛等人地電話 5. 當佢響你視線範圍之內，你會扮睇唔到佢 6. 當佢離開左你視線範圍之內，你就會勁望佢去左邊 7. 見到佢開心，你自己都會暗地裡開心 8. 出完街之後，好想佢送你返屋企 9. 一班FRIEND食飯果陣時，希望有意無意咁坐響佢隔離 10. SEND SMS俾佢果陣時，會好介意自己GRAMMAR有無錯 11. 當佢唔舒服果陣，你就會勁叫佢睇醫生（但係自己平時病果陣又唔會去睇） 12. 個個都可以睇你張身份證，除左佢之外（智能ID咭另計） 13. 好想佢送D野俾你，乜野都好 14. 成日留意佢既言行舉止，睇下佢係咪對你有野 15. 若果見到佢同異性傾計果陣，你會想知佢地會傾D乜 16. 成日發夢都夢見佢 17. 若果發覺大家著左D好襯既衫，你會心裡暗叫「妙﹗」 18. 不斷打聽佢既拍拖歷史 19. 會介意佢去完旅行返黎無送手信俾你 20. 趁佢背住你果陣，即時猛望佢背脊 21. 佢叫你做乜都即刻做，好聽話 22. 偷偷地幫佢執手尾 23. 響手機度禁佢個名或者佢D相出黎睇 24. 同佢既FRIEND變得好FRIEND 25. 成日去佢經常出沒既地方留連 26. SEND SMS之前之後都會不斷返睇自己SEND左乜野俾佢 27. 主動借D書、碟俾佢，製造再見既機會 28. 就算佢響你隔離，你都會成日掛住佢 29. 行街見到佢鍾意既野都會有奇妙既感覺 30. 響街度聞到佢搽果種香水（或洗頭水、番?）味，會即刻好緊張 31. 就算你有幾唔得閒都會應承佢出去 32. 用133打俾佢，佢一「喂」就即刻收線 33. 無情情想嗌佢個名 34. 唔敢走去佢附近 35. 習慣每晚都會睇佢個BLOG 36. 唔想俾佢知道你有男/女朋友 37. 成日開MSN或ICQ既HISTORY回味一下 38. 會深入研究佢所有喜歡既野（就算自己一D興趣都無） 39. 好想講自己既野俾佢聽 40. 佢講乜野你都會信 41. 見到佢父母會特別拘謹 42. 講野前會PLAN定一大輪 43. 兩個人獨處時候有DEAD AIR會感到十分尷尬 44. 會記住晒佢鍾意食咩呀、唔鍾意食咩呀，諸如此類 45. 經過佢屋企時候會望上去或者響下面停一停 46. 一起身張開眼就會即時諗起佢 47. 製造無理要求，睇佢有乜野反應 48. 想知佢鍾意邊一類型既女仔 49. 佢做任何衰野都會幫佢搵藉口 50. SET佢張相做電腦WALLPAPER 51. 不論內容係乜，SAVE晒佢俾你既SMS 52. 做垃圾婆，總之任何關於佢既野都要KEEP 53. 會響紙上面不停寫佢個名 54. 成日自己估人地對你有無野 55. 每次就算有正經事搵佢，都會自己緊張一番 56. 想佢欠你D野（反而佢還左俾你會唔舒服） 57. 覺得佢梳乜野髮型、著乜野衫都係OK既 58. 唔想聽到佢同佢女/男朋友傾電話 59. 佢一講野果陣就豎起耳仔，但係又扮成唔係聽佢講野 60. 好想度下佢高你幾多 61. 同FRIEND講起佢果時，會用花名或暗號 62. 唔敢送太貴重或者太大件既禮物俾佢 63. 因為諗起佢，行行下街都會無啦啦笑左出黎 64. 搵機會同佢合照 65. 會刻意同佢鬥嘴 66. 會留一D問題性既SMS俾佢，等佢一定要覆返你 67. 若果佢讚你靚果陣就會KEEP住呢個LOOK 68. 買D有佢個名既野 69. 同佢MSN果陣，若果佢覆得唔快，就會好失望 70. SEND俾佢既聖誕同新年SMS會同其他人唔同 71. 覺得佢好叻 72. 人地講佢壞話既時候絕對唔會加入 73. 同朋友講起佢既時候會覺得好爽 74. 搵機會度下佢隻手大過你隻手幾多 75. CHECK下自己星座同佢夾唔夾（尤其響網上成日玩配對） 76. 討厭佢所有討厭既人 77. 唔介意望到佢既腳趾 78. 佢生日既時候，唔會買一D人人都知道佢鍾意既禮物俾佢 79. 唔捨得熄電腦，怕佢隨時ONLINE 80. 想見佢，但係見到佢又會覺得好辛苦 81. 同佢講野時候會壓制自己既面部表情（反而搞到個樣唔知想點） 82. 許親願同玩親乜野占卜都係同佢有關既 83. 唔會介紹靚女FRIEND俾佢識 84. 借D意同佢SHARE野飲 85. 同佢搭巴士果陣扮訓著 86. 搣花瓣 87. 乜都幫佢頂 88. 唱K果陣扮晒話無男/女仔陪你唱合唱歌，逼佢同你唱 89. 送野俾佢唔留名 90. 突然間對所有異性失去興趣 91. 人人講緊一D情情塔塔既野果陣都覺得講緊自己 92. 覺得若果同到佢拍拖，一定會好幸福（就算佢同你唔熟） 93. 覺得大家都OK襯既（就算身邊人人反對） 94. 連續打兩個乞嚏就覺得「佢一定係掛住我」 95. 少少野就話自己好唔舒服，睇佢有乜反應 96. 同佢去完街返屋企會勁重溫同佢相處既片段、說話等 97. ENJOY人地誤會你地兩個有野 98. 逼佢同你有單獨相處既機會 99. 響同一場合，佢唔走，你唔走 100. 著得靚果日，好想響街上撞到佢 101. 見到佢ONLINE，等佢同你SAY HI先；若果佢唔應你，你會勁灰 102. 唔小心同佢有肌膚之親，都會即刻有觸電既感覺 103. 每次同佢單獨坐車既時候，感覺都好似去旅行 104. 就算唔係去果度都特登話係，等佢可以順便車埋你 105. 佢借D小野俾你，你都會KEEP起佢唔還 106. 對佢特別小氣 107. 響FRIENDSTER睇晒佢有乜FRIEND 108. 特登俾佢知道你有人追 109. 經常對自己既言行舉止好後悔 110. 希望佢同佢女/男朋友嗌交 111. 人地問你係咪鍾意佢，你會答「痴線﹗」 112. 如果你一路睇/聽呢段野一路諗起一個人既時候…啊~你鍾意左佢﹗

刊登時間︰2006-05-07 08:12 PM 　　　　　　　     [ 訪客留言(0) ] [ 編輯日誌 ] [ 分享至FACEBOOK ]

2006 年 4 月 30 日  星期日   晴天

今日好忙~

今日我整左o既野~ 迷彩版~

刊登時間︰2006-04-30 10:24 PM 　　　　　　　     [ 訪客留言(1) ] [ 編輯日誌 ] [ 分享至FACEBOOK ]

« | 46 | 47 | 48 | 49 | 50 | 51 | 52 | 53 | 54 | 55 | »