呢排好辛苦呢..一來係LS既功課，跟住就係天氣既問題。呢排d天氣好似凍左好多，搞到氣管好唔掂，尋日咳到嘔..咳左少少血啦！！

唉，氣管唔好真係慘....人老喇XDDD...之前比豬古狗以為我係20幾歲，可能係因為會COS死神既大多都老？？...那我咪好老？？XDD...

尋晚同左Kinson傾左一陣計..佢好忙呢^^..真係好耐冇傾過，佢話自己過左去美國都有5個月囉，跟住又問我係咪返左黎香港。我當然話係啦..但係我覺得佢仲好掛住香港既生活，反而我想去多d..可能係因為近魷魚既關係啦！！

轉眼間，好快又會過完一年又一年，始終要返黎既都返黎，要走既都係要走，無奈既感覺萌生了。雖然話好想返去，但係又唔捨得係香港既回憶。

我覺得自己有點對唔住魷魚。

給魷魚：

對唔住呀，魷魚。我唔可以守住我地係村既回憶，回憶隨著時間飛逝而逐點地被消除，會展擴建了、天星碼頭拆了、風信子搬遷了，所有既事物都變了，感覺就像時間不會再回頭了。心痛，只因轉變；無奈，只因相隔；喜悅，只因你在；悲痛，只因離去。