今日本來要返去補課 , 要補英文同埋補chem , chem係由我至愛既馬sir教架 , 真係太好啦 . 不過今日起身 , 有少少唔多舒服 , 後來換晒衫 , 執晒野 , 出埋門口tim架啦 , 先決定唔返 , 因為個頭好暈 , 暈到行路都好唔掂 . 嗚.......馬sir呀..........嗚....

返返屋企 , 淨返我一個人, 好慘 , 無人煮飯比我食 , 我唔舒服都無人理我 , 感覺就好似心人遺棄左咁, 好想喊 , 唉 ......真係好慘 . 後來就自己死死氣咁, 去買飯盒食 , 嗚.........病都仲要捱飯盒 , 真係無陰公呀......

暈........個頭好暈......................暈..........................

今日好累 , 好似有d病病地咁, 個喉嚨有少少痛 , 希望唔好病啦~我一病又會病好耐..好麻煩~~

頭先玩icq~~哈~比我多左個娘子 , 好好笑  , 我終於可以做下有大男人主義既相公啦 , 真好 . 娘子就快生日啦 , 起度先祝佢生日快樂 . 唔好咁易老 . wakaka

今日好累呀  . 仲有無幾耐 , 我就要考會考啦 , 第一科係英文 , 係5月9日 . 唉~~但係我都仲係唔多感覺到考試果種feel . 唉~~ .今日開始要返學校補課啦 , 哈哈 . 朝早補完 , 下晝又補 , 連夜晚都要去圖書館溫書 . 哈~好似好多好多野做咁呀 , 依家補課 , 比平時返學仲多功課 , 真係無陰功 . 嗚.. . .

今日係一個好重要既日子∼∼＞因為我阿爸生日 , 我地請晒d親朋戚友 , (唉~~我屋企係一個好大既家庭 , 所以真係好多親戚)一齊食飯 , 唉~~我最驚就係面對d咁既野 , 因為太多人啦 ~我social又唔好 , 要面對咁多人 , 真係好大壓力 , 而且d親戚又唔係好熟喎 . 但點都好啦 , 都已經面對完 , 不過今日見到一個人 , 呢次係我第二之見佢 , 但都係唔係好熟既親戚 ,原來佢係做disco架 , 但係佢個樣 , 成個做police咁, 好大隻 ,好堅 .

唉~~死啦 ~我大食左好多 , 個個都食到好飽既時候 , 我都仲未feel到飽 , 死啦~仲唔肥死我 . kaka .

好得意呀d橙橙 , wakaka

今日終於睇左挪亞方舟 , 感覺一般 , 前半part , 我睇到黑眼訓 ∼∼＞皆因訓得太少 , 好累~~魚  . 後半part就開始好睇d , 講到起一個好奇幻既山到 , 搵到少少類似方舟既物體 . 雖然我覺得果一隻未必真係方舟 , 但係我相信呢個世界真係有挪亞方舟 . 真係好難想像 , 落雨落足40日 , 水浸浸足百幾日 , 真係好得人驚 . 之後套戲又講神再臨的日子就快到了 , 突然個心係好驚 , 驚又會有d咩好可怕既災難降臨 . 唉~~無論點都好啦 , 我一定要做一個好既基督徒 , 一個按照神既心意而做既基督徒 .

睇完戲之後就返教會 , 到好晏就有飯食 , 超級肚餓 . 不過有個朋友仔請我地食米通 . 係栗米味既米通 , 好好味架 . wakaka .