|
5/11
幾日都無entry~~事關我個電腦傻傻地~~唔知佢想點~~
死肥彭又話sd野比我~~點知又無左件事law~~
今日幫呀雪做義工~~[世代無肝炎]健康活動日~~
返慧因~~嘩.....好耐無入過去啦~~見返明叔佢地......不過佢地都唔認得我啦~~
忙個一朝~~下午就無咩人lu~~
[你落唔落黎呀?]~~打左好多個電話比d好朋友仔叫佢地過黎hea~~
都係呀姑夠老死~~黎左一陣......驗血~~
都好多謝呀昇同我玩sms~~等我唔洗咁悶~~^^ thx
幫手汁好晒d野就返屋企lu~~本來同肥俊去食野~~不過都無去到~~[下次先啦!!]
爸爸又返左大陸~~爺爺終於出院啦~~好開心~~過多幾個星期我地就可以一齊返去睇佢啦~~
玩左陣icq同msn~~
[我覺得你係到避緊我law!]
[呢排太攰.....唔關事既!]
[0.....是但啦! 攰又唔早d訓! 病左又可以得到d咩呢?]
之後同樂仔玩左陣sms先訓~~
傻瓜黎架~~我都唔係d咁小氣既人~~^^你有你既苦衷咁我又點會怪你呢?!~~
_____________________________________________________________
6/11
今日一早又去左幫呀雪手~~夠晒義氣啦~~咁老死就唔好同我客氣喇~~
今日好多人呀~~手忙腳亂~~嗯嗯.....好過尋日好多~~
放lunch同鄺生佢地一齊食~~通記~~
d行程好緊迫~~le le la la食完就走啦~~
呵呵....今日可以見到.......鄭x健,吳嘉樂同鄧光榮~~
呵呵.....又幾靚仔架喎~~
2點有講座同典禮~~好多人黎左law~~
個典禮一完~~又開始做登記~~holly shit
做到手軟~~d人排隊驗血~~排到6點幾先排完~~有d等左兩個鐘呀~~[音公]
d冷氣又凍啦~~d婆婆都好凍咁坐係到等等等........
6點幾開始汁野啦~~等埋其他義工仔一齊去食飯~~
恆美......好飽啦~~有小小覺得自己好似生虫咁~~食左兩碗飯~~痴左線~~不過我真係好肚餓~~
返去收鋪同媽咪食飯~~[我食飽左啦!]~~不過都好乖女咁陪佢地食飯~~不過見佢地食我又想食~~又食左兩碗面~~死喇死喇~~今次一定肥死我啦~~><
[喂.....你食完飯未呀?.....]
噢.....大獲.....唔記得左Tony添~~sorry呀~
坐左陣就過左去搵佢啦~~幫佢整d野~~
[林xx!]
哈.....死仔!~~叫我全名=.=~~不過好耐無見啦~~
好快咁幫Tony整好晒d野就返家啦~~好攰~~洗白豬~~準備覺豬仔~~
呢兩日我覺得過得好充實~~唔洗係屋企晒晒d時間~~又做左d好有意義既野~~
呵呵.....好開心~~
| 
